Flawil

Wappe

Basisdate
Kanton:	St. Galle
Bezirk:	Wahlkreis Wil
BFS-Nr.:	3402
PLZ:	9230
Koordinate:	47°25′N n. Br. 9°12′E ö. L.
Höchi:	610 m ü. M.
Flächi:	11.51 km²
Iwohner:	9.971 (31. Dezämber 2010) [1]
Website:	www.Flawil.ch
Karte
f w w w w

Flowil ( [ˈflɑˌʋɪl] (info) ) isch ä grosses Dorf zwüsched Sanggale und Wil im Kanton Sanggale i de Schwiz.

[ändere] Gschicht

Ursprünglich isch d Burgau s Zentrum gsi. Us verchehrstechnische Gründ het denn aber Flowil afange waxe, unt Burgau het a Bedütig verlore. Im Mittelalter isch d Vogtai Floowil under de Giele vo Glattburg gstande, wo ires Recht ane 1486 an Apt vo Sanggale verchauft hend. S hüttige Gmaindswoppe isch da vo de Giele vo Glattburg gsii.

[ändere] Geografii

Flowil lit im Försteland, zwüsche Wil und Sanggale, quasi ade Grenze zwüschedem Flachland und de Hügel vode Voralpe. Es lit a de Oscht-Wescht-Hauptverchersax vo de Schwiz wo vo Sanggale noch Gemf got. Im übrige gönt Verchehrsverbindige noch Süde richtig Tegersche und gege Südwescht, zum Toggeburg ewegg.

[ändere] D Ortschaft

Di ganz Ortschaft isch sehr langzoche, entlang vo de Hauptverchersaxe zwüsche Sanggale und Wil, bezihigswis Züri. Das het au mite Hügel ztue, uf de Nordsite isch de Ruehberg und uf de Südsite de Botsberg und de Schtocke. Z Flowil hez zwai markanti Chilene, di katolisch Chile bim Spitol und di reformirti im Feld usse. D Toggi Chrüzig isch so ungfähr s Zentrum, döt chömed d Bahnhofschtross, d Wilerschtross, d Sanggalerschtross und d Maggenauerschtross zeme. De Marktplaz mitem Fürwehrdepo isch gad nöch nebetra, de Bahnhof isch au nöd wit, und es paar grösseri Hotel und Reschtarand sind rund ume. Vil Gschäft sind ade Bahnhofschtross oder ade Wilerschtross entlang. Witeri markanti Pläz und Chrüzige im sind de Bäreplaz, d Mattioli Chrüzig und de Engel. Am Dorfusgang vo de Maggenauerschtross isch d Ritthale und de Tschupplaz.

[ändere] Infraschtruktur

Flowil het kain Aschluss ad Autobahn A1 wells so nöch isch bi Gossau und Uzwil, und voralem wells us geografische Gründ eifacher gsi isch d Autobahn witer im Norde durezfüehre. Flowil het aber recht gueti Zugverbindige uf Züri und uf Sanggale wel d Intercity haltet. Z Flowil hez e schöni Badi, si isch guet verschteckt, usserhalb vom Dorf, wemer gege Tegersche fahrt. D Flowiler hend es aiges Spitol. Es ischene so wichtig, dass heftig proteschtiert hend wos het sölle zue gmacht werde.

[ändere] Wirtschaft

De gröscht Arbaigeber im Dorf isch s Spitol, vor de Firma Büechi. Anderi grossi Bude sind Kochheer und d'Flawa. Viel früener isch d Habis emol gross gsi. Vil Lüt wo im Dorf lebed schaffet an anderne Ort ide Region Wil-Sanggale, oder pendlet au bis uf Züri abe. Flowil het en aigeni Zitig, de 'Volkfründ', mengmol segetem d Flowiler zum Spass de 'Volksfind'.

[ändere] Politik

Bi de Kantonsrotswahle am 14. März 2004 hets di folgende Resultat geh:

FDP: 24,2 %
CVP: 24,1 %
SP: 20,2 %
SVP: 19,7 %
Grüene: 8,5 %
EVP: 2,9 %
EDU: 0,4 %

[ändere] Bildig

Flowil het mehreri Primarschuelhüser: S Enzebüel, de Vorder Grund und de Hinder Grund, Feld und Botsberg. Zuedem hez es Oberschtufezentrum im Feld usse und e hailpedagogischi Schuel. Fuer d Kanti gönd d Flowiler uf Sanggale oder uf Wil, oder an Fridberg uf Gossau.

[ändere] Sport

Z Flowil hez einigi Sportklüb: under anderem de FC Flowil, de HC Flowil und de TC Flowil. Es hät nöd nu e Fraibaad, es hät au e Gokart-Rennbahn.

[ändere] Kultur

D Harmonimusig macht jedes Johr es grosses Konzert. Im übrige tretet si a verschidene Aless uf und wird ab und zue gruefe wenns näbis Grosses z fiire git. De Gospelchor isch ide letschte Johre au sehr aktiv gsi. De Kulturverein Touch organisiert regelmessig kulturelli Aless.

Fasnacht isch amel e wichtige Sach z Flowil, und es git mehreri Guggemusige, eini vo de bekanntischte sind d Wyssbachgaischter. Ade Fasnacht gits amix en spezielle Pris für de Flowiler oder d Flowileri wo de luschtigscht Chaib botte het im vergangene Johr. De Pris haist 'Chratzbörschte' und de Volksfründ git denn amel extra e Fasnachtzytig.

De Böögg wird amel am End vom Winter im Waideggperkli azündt zum de Winter verjage.