Dr Santihansschwibbooge

Us der alemannische Wikipedia, der freie Dialäkt-Enzyklopedy
Dialäkt: Baseldütsch
Dr Santihansschwibbooge vom Dootedanz us gseh; uf dr lingge Stroossesite gseht mä no s Geburtshuus vom Johann Peter Hebel (Fotopositiv, 1873)

Dr Santihansschwibbooge (au Chrüzdoor, spöter het män em au s Innere Santihansdoor gsait) isch en ehemoligs chliis Stadtdoor vo dr Stadt Basel und emol Bestanddeil vo dr innere Stadtmuure gsi. Er isch dr Vorläufer vom Santihansdoor, wo bi dr Erwiiterig vo dr Stadtmuure im 14.Joorhundert witer usse baut worde isch.

Gschicht[ändere | Quälltäxt bearbeite]

Dr Durm isch öbbe im Joor 1200 baut worde und wien er ursprünglig usgsee het, waiss mä nit. 1233 het dr Bischof Heinrich vo Thun de Dominikaner erlaubt, sich vor em Door niiderzloo und die häi dört denn s Breedigerkloster baut. Im 15. Joorhundert isch uf dr Muure vom Laiefriidhoof vom Kloster dr Basler Dotedanz gmoolt worde.

In dr zwaite Helfti vom 14. Joorhundert het mä die üsseri Stadtmuure mit em Santihansdoor baut. Au wenn dr Santihansschwibbooge sini ursprüngligi Funktion verlore het, isch er doch langi Zit erhalte bliibe. In dr zwäite Helfti vom 16. Joorhundert het men en bis uf die zwäi Doorbööge über d Strooss, wo mä uf em Matthäus Merian sinere Stadtaasicht vo 1642 cha gsee, abbroche. Spööter het mä s Door aber wider ufbaut.[1] 1747 het män e Uur draa aagmacht, was vilne Lüt gaar nid gfalle het, und 1836 isch dr Durm renowiert und vom Ludwig Adam Kelterborn aagmoolt worde.

Dr Schwibbooge isch im Septämber 1873 abgrisse worde.

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]

  1. St.Johann-Schwibbogen (Memento vom 27. Septämber 2012 im Internet Archive) uf altbasel.ch, abgrüeft am 4. Mai 2014



Dä Artikel basiert uff ere fräie Übersetzig vum Artikel „St._Johanns-Schwibbogen“ vu de dütsche Wikipedia. E Liste vu de Autore un Versione isch do z finde.

Koordinate: 47° 33′ 41,6″ N, 7° 35′ 10,6″ O; CH1903: 611113 / 267881