Stadttor

Porta Nigra, en ehemoligs Stadtdoor z Trier, 180 n. Chr.

D Nachtwach brüft d Babier von ere Händlere vor em Stadtdoor (romantisierendi Genremoolerei vom Anton Seitz, 1857).

E Stadtdoor isch bis in d Neuzit en Iigang in dr Ringmuure von ere Stadt gsi, wo im Allgemeine bsunders versterkt gsi isch. Dürm und Door si wichdigi Bestanddeil in de Verdeidigungsaalage von ere Stadt gsi.

D Stadtdoor si hüfig mit ere Zugbrugg, wo über e Wallgrabe gfüehrt het, wo Deil vom Muurering gsi isch, gsicheret gsi. Zuesätzlige Schutz hai Holz- oder Iisegitter, wo mä het chönne abeloo, und mächtigi Düüre us Eicheholz bote.

Stadtmuure und -door hai mit em Ufchoo vo dr Artillerii ihre militärisch Wärt verlore und si meh und meh bruucht worde zum d Bevölkerig z kontrolliere und zum Zöll z erhebe. Dorum het mä im 19. Johrhundert mänggisch no repräsentativi Stadtdoor baut, aber je witer s Johrhundert fortgschritten isch, um so meh het mä Stadtmuure und Stadtdoor afo abbräche.

Hüte si Stadtdoor hüfig Wohrzeiche vo Stedt und touristischi Aaziehigspünkt. Die ehemolige Standort vo Door si meistens wichtigi stedtischi Blätz, wil d Door dört wichdigi Verchehrsadere kontrolliert hai.

Galerii [ändere]

S Leuedoor z Mykene, 13. Jh. v. Chr.
Altpörtel, Speyer
S spotgotische Bayerdoor z Landsberg am Lech
Nikolaitor Eisenach
Typischs Stadtdoor von ere mitteldütsche Ackerbürgerstadt (s Erfurter Door z Sömmerda)
Ponttor z Aache: Stadtdoor mit Vordoor
Isartor z Münche: Stadtdoor mit Vordoor
Grendeltor z Züri, Aquatinta vom Franz Hegi, um 1820
Stadtdoor vo Prichsenstadt in Franke
Rothenburgertor z Dinkelsbüehl
Marktturm z Bacharach
Ochsenfurter Tor z Summerhuuse
Sospel in Südfrankriich
Porta Nuova z Assisi
Helpoort z Maastricht
Damaskustor z Jerusalem, 1535-1536
Südtor z Gerasa
Zijlpoort z Leide