Dr Aescheschwibbooge

Us der alemannische Wikipedia, der freie Dialäkt-Enzyklopedy
Dialäkt: Baseldütsch
Dr Aescheschwibbooge vom hütige Bankeblatz us gseh. Linggs im Hindergrund isch d Leonhardschille (Aquarell, 1841)

Dr Aescheschwibbooge (mä het em zerst Aeschedoor, spöter au s Innere Aeschedoor gsait) isch en ehemoligs chlises Stadtdoor vo dr Stadt Basel und emol Bestanddeil vo dr innere Basler Stadtmuure gsi. Er isch dr Vorläufer vom Aeschedoor gsi, wo noch dr Stadterwiiterig im 14. Johrhundert witer usse baut worde isch, und isch 1841 abgrisse worde.

Dr Aescheschwibboge isch zum erste Mol im Johr 1261 as "Eschmerdoor" urkundlig erwähnt worde. Dä Name goht vermuetli zrugg uf e Doorwärter, wo Eschmar gheisse het und in dr Nöchi vom Door gwohnt het. Scho in dr Middi vom 16. Johrhundert het s am Door schon en Uhr gee. Dr Doordurm isch bis 1545 dopplet so hoch gsi, aber es het Riss im Muurwärk gee und mä het en müesse weniger hooch mache. Mit em Bau vo dr üssere Stadtmuure und vom Aeschedoor het dr Aescheschwibbooge sini ursprüngligi Funktion verlore. Er isch aber einewäg bis 1841 erhalte bliibe, und denn het men en abgrisse.

Weblingg[ändere | Quälltäxt bearbeite]


Dä Artikel basiert uff ere fräie Übersetzig vum Artikel „Aeschenschwibbogen“ vu de dütsche Wikipedia. E Liste vu de Autore un Versione isch do z finde.

Koordinate: 47° 33′ 14,6″ N, 7° 35′ 31,4″ O; CH1903: 611549 / 267048