Steinentor

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dialäkt: Baseldütsch
S Steinedoor vo usse här gseh (Fotopositiv, vor 1864)
Uf dere Charte vo 1642 isch s Steinedoor d Nummere 13 oobe näben em Birsig zwüsche zwäi Zitadälle

S Steinedoor isch en ehemoligs Stadtdoor vo dr Stadt Basel und emol Bestandteil vo dr Basler Stadtmuure gsi. 1866 isch s im Zug vo dr Umsetzig vom Basler Stadterwiiterigsgsetz vo 1859 abgrisse worde.

S Steinedoor isch zum erste Mol 1387 as Herthor am Steinen erwähnt worde. Vermuetlig het s an sim Blatz vorhär scho e Door dört gha as Deil von ere Vorstadtbefestigung. Öbbe 1440 het mä vor em Doordurm im Stadtgrabe es brovisorischs Vorwärk, 1473 denn en überdachts Vorwärk baut. Zur gliiche Zit isch wohrschiinlig au dr Doorvorhof entstande, wo bis zur hütige "Innere Margarethestrooss" gangen isch. Noch eme Bild us de 1740er Johr het s Steinedoor denn no e Zältdach und e Vorwärk gha. S Durmdach isch noch 1842 verschwunde und mä het s mit ere Zinnechrone mit Gloggedürmli ersetzt. D Lengi vom Vorhof isch in sällere Zit halbiert worde.

1858 isch dr Vorhof mit em Wachhuus und dr Brugg über e Stadtgrabe abbroche und dr Grabe ufgfüllt worde. S Vorwärk am Durm isch 1865 und im Oktober 1866 dr Durm sälber mit dr Stadtmuure dörte abgrisse worde. Hützudag isch d BVB-Dramstation Heuwoog grad näbedra.

Weblingg[ändere | Quälltäxt bearbeite]


Dä Artikel basiert uff ere fräie Übersetzig vu dere Version vum Artikel „Steinentor“ vu de dütsche Wikipedia.

E Liste vu de Autore un Versione isch do z finde.


47.5511944444447.5877138888889Koordinate: 47° 33′ 4″ N, 7° 35′ 16″ O; CH1903: 611223 / 266730