Seltisberg

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Seltisberg
Wappe vo Seltisberg
Basisdate
Staat: Schwiiz
Kanton: Basel-Landschaft (BL)
Bezirk: Liestalw
BFS-Nr.: 2833i1f3f4
Poschtleitzahl: 4411
Koordinate: 621021 / 25658447.45977.7174491Koordinaten: 47° 27′ 35″ N, 7° 43′ 3″ O; CH1903: 621021 / 256584
Höchi: 491 m ü. M.
Flächi: 3.57 km²
Iiwohner: 1292 (31. Dezämber 2013)[1]
Website: www.seltisberg.ch
Karte
Deutschland Kanton Aargau Kanton Basel-Stadt Kanton Solothurn Kanton Solothurn Bezirk Arlesheim Bezirk Laufen Bezirk Sissach Bezirk Waldenburg Arisdorf Augst Bubendorf BL Frenkendorf Füllinsdorf Giebenach Hersberg Lausen BL Liestal Lupsingen Pratteln Ramlinsburg Seltisberg ZiefenKarte von Seltisberg
Iber des Bild
ww
Dialäkt: Baseldytsch

Sältisbärg (au Sältischbrg oder Sälti, hochdytsch Seltisberg) isch e politischi Gmeind im Bezirk Lieschtel vom Kanton Basel-Landschaft in dr Schwiiz.

Lag[ändere | Quälltäxt bearbeite]

Sältisbärg liggt uff enere Terrasse zwischem Oristal und em Waldeburgertal uff 491 m. ü. M. Nochbergmeinde sin Lieschtel, Buebedorf, Lupsige und s soledurnische Nuglar-St. Pantaleon.

Wappe[ändere | Quälltäxt bearbeite]

Erscht sitt 1944 hett Sältisbärg e offiziells Wappe. Es isch in zwei Helftene dailt. Obe isch e silbrigi Bliete vomene Ärdbeeri mit goldige Mitti und griene Bletter uff rotem Grund zgseh. Die unteri Helfti isch wyss. S Ärdbeerblüemli erinnert an Spitzname, wo d Sältisbärger friener gha hän: Ärdbeerischnitzer.

Gschicht[ändere | Quälltäxt bearbeite]

Bereits in dr Staizyt hän Lytt uff em Hochplato vom Sälti gläbt, wie archäologischi Fund belegge. Meeglig isch au, ass d Reemer en Buurehoof gha hän. 1194 wird Sältisbärg als "Selboldisperch" s'erschte Moll schriftlig erwäänt. S Dorf hett dazumoll de Froburger gheert. 1305 isches an Bischof vo Basel und 1400 an d Stadt Basel cho. 1803 ischs Dorf vom Amt Waldeburg an Bezirk Lieschtel umteilt worde. 1855 isch d Gmeind wäge verdräggtem Trinkwasser vonere Choleraepidemii heimgsuecht worde.

Brüüch[ändere | Quälltäxt bearbeite]

Wie villi Gmeinde im Baselbiet fiirt dr Sältisberg en Banndag. Dä findet immer an Uffrt statt und füert vo de Oschtgränze vom Dorf (ungfähr bim Chinderheim) an de lieschtlemer und buebedörfer Gränze entlang zur Schweini, emene Stück Wald an de Gränzä zu Lupsige, wo denn au effektiv gfiiret wird. Zur Zyt vo de Länderlerfasnacht het au Sältisbärg en chliine Umzug, wo aber vor allem fürd Chinder do isch. Di meischte gön mit irne Wääge und Gugge doch an di grössere Umzug in Lieschtel und so witr. Um Oschtere umme findet au en Eierläset ufem Schuelhusplatz statt, es git e Rääbeliechtliumzug und natürlich wird au am erschte Auguscht ufem Galms-Hügel es grosses füür azündet.

Fuessnote[ändere | Quälltäxt bearbeite]

  1. Statistik Schweiz – STAT-TAB: Ständige und Nichtständige Wohnbevölkerung nach Region, Geschlecht, Nationalität und Alter (Ständige Wohnbevölkerung)

Weblink[ändere | Quälltäxt bearbeite]


Dä Artikel basiert uff ere fräie Übersetzig vum Artikel „Seltisberg“ vu de dütsche Wikipedia.

E Liste vu de Autore un Versione isch do z finde.