Schwiizerische Evangelische Chilebund
De Schwiizerisch Evangelisch Chilebund SEK (franz.: Fédération des Églises protestantes de Suisse FEPS) isch de Zämeschluss vo de reformierte Landes- bzw. Kantonalchilene un de Evangelisch-Methodistische Chile i de Schwiiz gsi. Sini Nochfolgeorganisation isch di Evangelisch-reformiert Chile Schwiiz (EKS), wobi es sich nach em Vereinsrächt um di gliich Organisation handled.[1]
Gschicht
[ändere | Quälltäxt bearbeite]De SEK isch 1920 gründt worde. Vorher hets als gmeinsams Gremium vo de reformirte Chilene di evangelischi Tagsatzig ggää un sit em Johr 1858 di Schwiizerischi reformierti Chilekonferenz. 1925 isch de SEK Mitglied vom Reformirte Wältbund worde un im Johr 1940 vom Ökumenische Rat vo de Chilene. De SEK het 1946 s HEKS, s Hilfwärk vo de Evangelische Chilene vo de Schwiiz, gründt un 1963 s Sammelwärk Brot für Brüder, wo sit 1990 Brot für alle heisst. 1970 isch s Sozialethische Institut gründt worde, wo 2004 de Name Institut für Theologie und Ethik übercho het. Sit em Zämmeschluss vom Reformirte Wältbund mit em Reformirte Ökumenische Rat am 18. Juni 2010 z Grand Rapids im amerikanische Bundsstaat Michigan isch de SEK Mitgliid vo de noi gründete Wältgmeinschaft vo de Reformirte Chilene.[2][3][4]
Organisazioon
[ändere | Quälltäxt bearbeite]De SEK het als Leitigsgremium en Rat mit nüün Mitglider gha, wo sich normalerwis einisch im Monat für zwei Täg z Bärn troffe het. Früeneri Mitglieder sin gsi de Thomas Wipf (Präsident), d Silvia Pfeiffer (Vizepräsidentin), d Irène Reday (Vizepräsidentin), d Helen Gucker-Vontobel, de Ruedi Heinzer, de Karl Kohli, d Kristin Rossier Buri, de Peter Schmid un de Urs Zimmermann. Für d Amtsperiode ab em 2011i het d Abgordenteversammlig vom SEK am 14. Juni 2010 z Herisau de Theoloog Gottfried W. Locher vo Bärn zum noie Präsident vom Rot gwählt. Di andere Mitglieder vom Rat sind ane 2018 gsi: de Pfaarer Daniel de Roche vo Fryburg, de Chilepolitiker Peter Schmid vo Basel, d Esther Gaillard us de Waadt, d Pfaarerin Sabine Brändlin usem Aargau, de Glarner Pfaarer Ulrich Knoepfel, d Ruth Pfister und de Daniel Reuter[5] vo Züri.
D Geschäftsstell z Bärn het öppe 35 Aagstelti gha, wo in vier verschidne Abteilige gschaffet händ:
- Chilebezihige
- Institut für Theologi un Ethik
- Zentrali Dienscht
- Kommunikazion
D Leitig vo de Gschäftstell übernimmt nach de Pensioniirig vom Theo Schaad uf de 1. Jänner 2011 de Philippe Woodtli.
S höchschti Organ vom SEK isch d Abgordneteversammlig gsi, wo zweimol im Johr zämecho isch.
Mitgliedchilene
[ändere | Quälltäxt bearbeite]- Reformierti Landeschile Aargau
- Evangelisch-reformierti Landeschilene vo beide Appizell
- Evangelisch-reformierti Chile vom Baselbiet
- Evangelisch-reformierti Chile vo Basel-Stadt
- Reformierti Chiuche Bärn-Jura-Soledurn
- Evangelisch-reformierti Chiuche vom Kanton Fryburg
- Église Protestante de Genève
- Église Évangélique Libre de Genève
- Evangelisch-Reformierti Landeschile vom Kanton Glaris
- Evangelisch-Reformierti Landeschile Graubünde
- Evangelisch-Reformierti Landeschile vom Kanton Lozärn
- Église réformée évangélique du canton de Neuchâtel
- Evangelisch-Reformierti Chile Nidwalde
- Verband vo de Evangelisch-Reformierte Chilegmeinde vom Kanton Obwalde
- Evangelisch-reformierti Chile vom Kanton St. Galle
- Evangelisch-reformierti Chile vom Kanton Schaffhuse
- Evangelisch-reformierti Kantonalchile Schwyz
- Evangelisch-Reformierti Chile im Kanton Soledurn
- Chiesa evangelica riformata nel Ticino
- Evangelischi Landeschile vom Kanton Thurgau
- Evangelisch-Reformierti Landeschile Uri
- Église Évangélique Réformée du canton de Vaud
- Evangelisch Reformierti Chile vom Wallis
- Evangelisch-reformierti Landeschile vom Kanton Züri
- Evangelisch-reformierti Chilegmeinde vom Kanton Zug
- Evangelisch-methodistischi Chile i de Schwiiz
Weblink
[ändere | Quälltäxt bearbeite]- Homepage vom SEK
- Rudolf Dellsperger: Schwiizerische Evangelische Chilebund (SEK). In: Historisches Lexikon vo dr Schwiiz.
Fuessnoote
[ändere | Quälltäxt bearbeite]- ↑ Verfassig (Site cha nüme abgrüeft wärde; Suche im Webarchiv) vo de EKS
- ↑ http://warc.jalb.de/warcajsp/side.jsp?news_id=2189&part_id=0&navi=21 (Site cha nüme abgrüeft wärde; Suche im Webarchiv)
- ↑ Archivierte Kopie. Archiviert vom Original am 13. August 2011; abgruefen am 13. September 2012.
- ↑ Archivierte Kopie. Archiviert vom Original am 27. September 2011; abgruefen am 13. September 2012.
- ↑ Daniel Reuter (Site cha nüme abgrüeft wärde; Suche im Webarchiv) uf zhref.ch
|
Dä Artikel basiert uff ere fräie Übersetzig vum Artikel „Schweizerischer_Evangelischer_Kirchenbund“ vu de dütsche Wikipedia. E Liste vu de Autore un Versione isch do z finde. |