Philippe Woodtli

Us der alemannische Wikipedia, der freie Dialäkt-Enzyklopedy
De Philippe Woodtli (2008)

De Philippe Woodtli (* 1964) isch en Schwiizer Pfarrer, Zimmermaa und Bärgführer. Sit em 1. Jänner 2011 isch er Gschäftsleiter vom Schwiizerische Evangelische Chilebund. Uf de 1. April 2016 isch er freigstellt vo sinere Tätigkeit bim Chilebund.

De Philippe Woodtli het evangelischi Theologii studiirt und wärend sim Studium en Usbildig zum eidgnössische Bärgführer gmacht. Nach eme Studieunterbruch und ere Stifti zum Zimmermaa, isch er wider zu de Theologii zruck cho, het sis Studium abgschlosse und isch im 2002 zum Pfarrer ordiniirt worde. Sini erschti Gmeindspfarrstell het er z Walperswil im Kanton Bärn gha. Im März 2008 het er dann in di Reformierti Landeschile vom Aargau gwächslet, wo er d Stabsstell vom Chileroot als Leiter Theologie und Recht übernoh het. Am 17. August het de Rat vom SEK de Philippe Woodtli zum Nachfolger vom Theo Schaad gwählt. Sini Schtell als Gschäftsleiter vom Chilebund het er am 1. Jänner 2011 aaträte. Im Juni 2012 het er für d Nochfolg vo de Aargauer Chilerotspräsidentin Claudia Bandixen kandidiirt, d Synode het bi de Sitzig vom 6. Juni 2012 z Sohr aber de Christoph Weber-Berg gwählt.[1]

De Philippe Woodtli isch ghürote, het zwei Töchtere und wohnt z Gränichen. Derte isch er Präsident vo de örtliche FDP.

Weblink[ändere | Quälltäxt bearbeite]

Einzelnochwiis[ändere | Quälltäxt bearbeite]

  1. Verabschiedung von Claudia Bandixen Archivlink (Memento vom 20. Augschte 2012 im Internet Archive)