Rigi
| Rigi | ||
|---|---|---|
 d Rigi gmoolet vom J.M.W. Turner (19.Jh.) |
||
| Höchi | 1'797,5 m ü. M. | |
| Lag | Zentralschwiiz | |
| Gebirg | Schwyzer Voralpe | |
| Dominanz | 13,2 km | |
| Schartehöchi | 1'288 m | |
| Geografischi Lag | (678784 / 211918)47.0536111111118.47555555555561797.5Koordinate: 47° 3′ 13″ N, 8° 28′ 32″ O; CH1903: (678784 / 211918) | |
|
||
 Aasicht vo Nordweste |
||
D Rigi isch äs 1797 m.ü.N hööchs Bärgmassiv i dr Zentraalschwiiz. Si isch ä Inselbärg und vum äigentlichä Alpekamm abtrennt. Rundumme ligged de Vierwaldstättersee, de Zugersee und de Lauerzersee. De Namä werd - sprochlich nöd korrekt - als latiinische Regina montium - das häisst Königin vu de Bärge - interpretiert. Im 14. Jahrhundert het de Bärg Rigina ghäisse. Riginä, vo wo d Rigi würkli sind Name het, sind geologischi Schichtä, wu vor allem am Nordhang sichtbar sind. Über em Bärg verlauft d Kantuusgränze zwüsche Schwyz und Luzärn. Vu me Uussichtspunkt gseht mer uf Arth, Goldau und de Zugersee.
[ändere] Wirtschaft, Vercheer
Am 21. Mai 1871 ischt d Vitznau-Rigi-Bahn eröffnet wordä. Si isch als eerschti Bärgbahn vu Europa buut wordä und vu dem här normalspurig. Am 4. Juni 1874 ischt d Arth-Rigi-Bahn derzue chuu. Beedes sind Zaaradbahne. Hüt gchöred beed dr gliiche Bahngsellschaft, de Rigi-Bahne. Wiiteri Zuebringer zum autofriiä Bärggebiet sind Luftsäilbahne.
Uf em Bärg staht ä 95 hööchä Sändeturm vu dr Swisscom. De wird vu verschidene Radiosänder bruucht.
Di wichtigschte Erwärbszwiig sind näb de Bahne d Landwirtschaft und s Gaschtgwärb.
