Pilatus

p1

Pilatus
Flugufnaam vom Pilatus mit Luzern im Vordergrund
Höchst Gipfel	Tomlishorn (2'128,5 m ü. M.)
Lag	Grenzberych vo de Kantön Nidwalde, Obwalde und Luzern
Deil vo	Lozärner Voralpe
Iideilig noch	Schwizer Alpe-Club
Koordinate	661062 / 20284746.9738888888898.24111111111112128.5
Typ	Faltegebirge
Flechi	50 km²

Dr Pilatus isch e Bärgmassiv in dr Schwiiz bi Luzärn, im Gränzberiich vo de Kantön Luzärn, Nidwalde und Obwalde. Noch dr Iideilig vom Schwiizer Alpeclub liit er in de Luzärner Voralpe, eme Deil vo de Zentralschwiizer Voralpe, noch anderen Iideilige in de Ämmedaaler Alpe. Dr höchst Gipfel isch s Tomlishorn, wo 2128.5 m hoch isch. Drzue ghöre d Gipfel Esel (2118.7 m), Klimsehorn (1907.2 m), Matthorn (2041.3 m) und Widderfeld (2075.2 m).

Wiiteri geographischi Bezeichnige vo Bedütig si: Kulm, Oberhaupt (2106 m), Chriesiloch, Fräkmüntegg (1416 m), Krienseregg (1026 m), Chastelledosse (1883 m), Gemsmättli, dr ehemolig Pilatussee, Mondmilchloch, Galtige, Chrummhorn (1254 m), Renggpass (886 m), Lopper (839 m).

Im Weste setzt sich d Chetti vom Mittaggüpfi (1916.6 m, au Gnepfstei) über d Stäfeliflue (1922.2 m) bis zum Risetestock furt.

Dr Pilatus und dr Vierwaldstettersee

Touristik

Dr Pilatus isch e beliebts Usflugsziil für Touriste. D Pilatusbahn, die steilsti Zahnradbahn uf dr Wält, füehrt mit ere maximale Stiigig vo 48 % vo Alpnachstad noch Pilatus-Kulm uf 2'073 m ü. M.. Vo Luzärn us isch dr Bärg mit ere Panorama-Gondelbahn (Kriens-Krienseregg-Fräkmüntegg) und ere Luftseilbahn (Fräkmüntegg-Pilatus) erschlosse. Das macht e iidrückligi Rundreis möglig vo Luzärn uf e Pilatus (Seilbahn oder Wanderig), denn mit dr Zahnradbahn noch Alpnach und mit em Dampfschiff vom Afang vom 20. Johrhundert zrugg noch Luzärn.

Weblingg

 Allmänd (Commons): Pilatus – Sammlig vo witere Multimediadateie

• Websiite vom Pilatus
• Artikel Pilatus im Historische Lexikon vo dr Schwiiz
• Bildgalerii mit Pilatus-Fotene
• Foti und alti Postcharte vom Pilatus

46.9738888888898.24111111111112132

Dä Artikel basiert uff ere fräie Übbersetzig vu dere Version vum Artikel „Pilatus“ vu de dütsche Wikipedia. E Liste vu de Autore un Versione isch do z finde.