Säilbahn

E Säilbahn isch es Verchehrsmiddel mit eme fescht ygrichtete Wääg, wo d Fahrzüüg druff nid sälber fahre, sondern vo Säili zoge wärde.

Sorte

Es git Säilbahne zum Lüüt vo eim Oort zum andere z bringe, und au Bahne zum Sache transportiere.

Me cha die verschideni Konstrukzioone noch underschidleche Gsichtspünkt usenanderhaa, öpe eso:

• d Säilbahne, wo uf Schiine faare, wo fescht am Bode ufemene Trassee agmacht sid; me säit ene Standsäilbahne
• d Säilbahne, wo a fescht gspante Tragsäili dur d Luft faare: d Luftsäilbahne
• algemein seit me de Bahne, wo uf Bärge fahre: Bärgbahne
• Bahne, wo d Kabyne immer vom einte zum andere Ändi hin und häär fahre: d Pändelbahne
• die, wo d Kabyne a beide Ändi rings ume Pfoschte ode an anderi Tragkonstrukziion umelaufe: d Umlaufbahne
• sötegi Bahne, wo d Kabyne i de Ändstazioone zum d Lüüt lo uus- und ystyge vom Säili abghänkt und abbrämst und denn zum Zruggfahre wider am Säili agmacht wärde: Bahne, wo me cha kupple
• Säilbahne, wo offeni Sässel und nid Kabyne drmit faare: Sässellift
• Säilbahne, wo in ere Stadt uf de Stroosse faare: Kabelstroossebahne
• wenn keini Lüüt törfe mitfaare: Materialbahne
• Yrichtige, wo jewyle nur churz für ne bestimte Zwäck amene Oort ufgestellt wärde: mobyli Säilbahne (nit z’verwächsle mit de Säilkrään, wo öpe d Förster im Bärgwald bruuche)
• Säili zum s Höi vo de Port zu de Schüüre abezloo
• ganz nöi sind uf Sportplätz und au i Eventhalle Yrichtige zum Filmkamera übere Platz z bewege: Kamerasäilbahne

Me muess au luege, wämm d Bahn ghört und wär drmit cha fahre: Isch’s en öfentlechi Bahn, e privati, wo anderi Lüüt törfe bruuche oder e privati, wo nur für d Psitzer isch, eini vom Milidäär, es Verchehrsmiddel vomene Vergnüegispark oder ghört si enere Fabrigg, bischpilswys.

Wenn mi d Säilbahn zimli wyt definiert, chame öpe au d Schylift drzue zelle.

Säilbahnbouer

• Bell
• Doppelmayr
• Gangloff
• Garaventa
• Giovanola
• Willy Habegger
• Küpfer
• Leitner
• Niederberger
• Nigg
• Vollert Anlagenbau
• Von Roll
• Wyssen

Bilder

• 
  Säilbaan ufs Chlyne Matterhorn z Zermatt
• 
  Säilbahnkabyne bi Samnaun
• 
  d Urdebahn bi Länzerheid
• 
  d Gotschnabahn vo Chlooschtersch
• 
  d Schauinslandbahn, die lengschti Gondlebahn vo Dütschland
• 
  d Älplibahn vo Malans
• 
  d Säilbahn ufe Belche im Schwarzwald
• 
  s Polybähnli z Züri
• 
  d Säilbahn ufe Stooss
• 
  Säilbahn vo dr Boustell für d Staumuur Limmere im Glarnerland ane 1960

Literatur

• Eugen Czitary: Seilschwebebahnen. Wien 1951
• H. Dieter Schmoll, Markus Kalchgruber: Weltseilbahngeschichte. Eugendorf (bei Salzburg) 2000, ISBN 3-9501344-0-9.

Weblink

 Commons: Seilbahn – Sammlig vo Multimediadateie

• Seilbahnlexikon