Pfäffikersee

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Pfäffikersee
Pfäffikersee
Pfäffikersee
Geographischi Lag: Kanton Züri
Zueflüss: Chämtnerbach
Abflüss: Ustermer Aa
Ort am Ufer: Pfäffike
Date
Koordinaten 701346 / 24546347.3522222222228.78537Koordinaten: 47° 21′ 8″ N, 8° 46′ 48″ O; CH1903: 701346 / 245463
Pfäffikersee (Schweiz)
Pfäffikersee
Höchi über em Meeresspiegel 537 m ü. M.
Flechi 3,3 km²
Maximali Diefi 36 m
Karte Pfäffikersee.png
Dialäkt: Züridütsch (See)

Dr Pfäffikersee isch en 3.3 km² grosse See im Zürcher Oberland, Schwiiz, mit eme Iizugsgebiet vo 40 km². Er liit inere Talniiderig am Weschtrand vom Hügelgebiet im Zürcher Oberland. Dr See erschtreckt sich in Nord-Süd-Richtig zwüsched Pfäffike ZH und Wetzike ZH mit ere Längi vo 2.5 km und ere mittlere Breiti vo 1.3 km. Dr mittleri Seeschpiegel liit uf 537 m ü. M.; dr tüüfscht Punkt vom Seeboden erreicht 501 m ü. M., was ere maximale Tüüfi vo 36 m entspricht; di mittleri Seetüüfi beträit 18.5 m.

Einzige nennenswerte Zuefluss isch dr Chämtnerbach, wo im weschtliche Tössbergland zwüsched Bäretschwil und Fischetaal entschpringt und nach rund 8 km Lauf us Südoschte in Pfäffikersee mündet. D Aa verlaat de See wider nach Süüde und flüüsst zum Gryfesee. S Seeufer isch uf allne Siite usser im Weschte sehr flach.

Seeaateil händ de Namesgeber Pfäffike, wo dr alti Ortschern nööch am Nordufer liit, s Buuredorf Seegräbe im Südweschte sowie d Stadt Wetzike im Süüde. S Gebiet um de Pfäffikersee isch bereits i dr Jungschteiziit besidlet gsii, wie zahlriichi Fund vo ur- und früehgschichtliche Sidligsreschte (Pfahlbaute) bewiised.

Entschtehig[ändere | Quälltäxt bearbeite]

Dr Pfäffikersee isch im Lauf vo dr letschte Iiszeit entschtande, wo dr Linthgletscher im Molasseundergrund e übertüüfti Wanne zrugg glaa hät, wo sich nach em Rückzug vom Iis mit Wasser gfüllt hät. Dur e Endmoräne am Nordwescht- und Nordufer wird dr See gschtaut, so dass siin Abfluss nöd nach Nordweschte in Richtig Winterthur erfolge chann. Mit dr Ziit isch d Verlandig voraagschritte. Es hät sich fascht rund um de See en Schilf- und Sumpfgürtel bildet, wo im Süüde im Robehuuser Riet e Breiti vo öppe 1 km erreicht. Vom Aafang vom 18. Jahrhundert bis öppe 1950 isch deet Torf gschtoche worde.

Seegfrörni[ändere | Quälltäxt bearbeite]

Seegfrörni 2006

Bi längerer, sehr chalter Witterig chann dr Pfäffikersee im Winter zuegfrüüre. Dezue bruuchts im Mittel e Chältisumme vo 120 Grad (im Vergliich: für de Zürisee sind 320, für den Bodesee 370 Grad notwendig). Für di offizielli Freigaab vo dr Eisfläche isch e Iisdicki vo 12 Zentimeter nötig.

Letschtmals isch s Iis vom 26. Januar bis zum 8. Februar und vom 10. bis zum 14. Februar 2006 freigeeh worde. Di gfroreni Seeflächi isch vo Zehtuusige vo Mensche us dr nächere und fernere Umgebig begange und zum Iislaufe gnutzt worde. Di vorletschti Seegfrörni isch im Jahr 2002 gsii.

Naturschutzgebiet[ändere | Quälltäxt bearbeite]

Dr See mit siim Schilfgürtel isch es beliebts Natur- und Erholigsgebiet im Kanton Züri. Er schtaht under Naturschutz und ghört zu de Landschafte vo nationaler Bedüütig. I de gschützte und nöd zuegängliche Rietbereiche findet mer e einzigartigi Flora mit typische Hochmoor- und Flachmoor-Pflanzengsellschafte.

Weblink[ändere | Quälltäxt bearbeite]

 Allmänd (Commons): Pfäffikersee – Sammlig vo witere Multimediadateie


Dä Artikel basiert uff ere fräie Übersetzig vum Artikel „Pfäffikersee“ vu de dütsche Wikipedia.

E Liste vu de Autore un Versione isch do z finde.