Seegfrörni
Vonere Seegfrörni redt me, wänn en ganze See so tick zuegfroren isch, das me ohni Gfaar druff chan umelaufe. Das chunt nur seer sälte, in extrem chalte Winter vor. Seegfrörni isch en hochalemannische Begriff, wo in de Schwiz brucht wird. Seller Usdruck isch erscht im Johr 1963 in de Dude ufgnomme worre. [1]
Im Süde vu Deutschland und im Weschte vu Öschtreich nennet se dees uf bodeseealemannisch Seegfrörne.
Inhaltsverzeichnis |
[ändere] Zürisee
| Dialäkt: Züritüütsch |
De Zürisee isch sit 1223 föifezwänzg mal ganz zuegfrore, die leschtemal i de Jaar 1880, 1891, 1929 und 1963.
[ändere] Seegfrörni, wo berichtet worre sind
[ändere] Seegfrörni 1880
Uf em zugefrorene Zürisee waret 1880 Masse vu Besuecher.
[ändere] Seegfrörni 1891
[ändere] Seegfrörni vu 1963
Die letschti Seegfrörni vo 1963 isch äs grosses Eräignis gsii. Am 1. Februar hät d NZZ gmäldet, d Iistecki segi begehbar, und scho am gliiche Namitag isch e Schuelklass us Rapperschwil druff go Schlittschuefaare. Bis zu 150'000 Lüüt sind am Sunntig druff ufem See underwägs gsii. D Iistecki hät no bis am 7. März aneghebet, nachher isch si z tünn worde und hät nüme dörfe beträtte werde. [2] [3] [4]
[ändere] Bodesee
| Dialäkt: Ùndertòggeborg |
Demit de Bodesee im Januar oder Februar ganz zuegfrüüre cha mue scho de Herbst zimli chüel sii und abem Nofember mueses iis-chalt werde und d Biise mue biständig öber längeri Zit bloose, aber nie ase, as de See z starch ufgwüelt werd.
De Bodesee isch sit 1077 öppe achtzee mol zuegfroore, die letschtemol i de Joore 1795, 1830, 1880 (tailwiis) und 1963.
[ändere] Ibberlieferte Seegfrörne
[ändere] Seegfrörne vu 1963
D Seegfrörne vu 1963 war onne vu de längschte am Bodesee. Am 15. Januar 1963 hot mer am Untersee d Ibberquerung gstattet, am 1. Februar 1963 d Schifffahrt uffem Überlinger See und am 6. Februar 1963 d Fährverbindung vu Merschburg uf Konstanz-Staad eigstellt. [5]
[ändere] Eisprozession Münsterlingen - Hagnau
As Festakt werd binere Bodeseegfrörne s Bild vom Hailige Johann öber de See trait. 1963 isch si i de fiirliche Iisprozession vom tütsche Hagnau is schwizerischi Münsterlinge trait wore, bide nöchste Gfrörne goot s Bild wider zrugg uf Hagnau. De Bruuch isch z erstmool för s Joor 1573 bilait. Die baide Ortschafte liget acht Kilometer usenand.
[ändere] De Reiter ibber de Bodesee
Ebefalls im Joor 1573 isch de Elsässer Pöstler Andreas Egglisberger mit sim Ross öber de zuegfrorni See gritte, da het em schwöbische Dichter Gustav Schwab asen Iidrugg gmacht, as er d Ballade "Der Reiter und der Bodensee" tichtet het. 1963 isch en muetige junge Maa mit sim Töff uf d Iisdeggi, isch aber nie am anderen Uufer aachoo, sondern gelt sitt denn as verschole.
[ändere] Quelle
- ↑ Weitersagen. Wussten Sie eigentlich, dass… In: Südkurier vom 1. Dezember 2010
- ↑ Bericht vu de Seegfrörni vum Zürisee 1963. Historische Seegfrörni vum Zürisee. (Ufgerufe am 20. Januar 2011
- ↑ Protokoll vu de Zürcher Seegfrörni 1963 vum Ulrich Gut, * 1922 (Ufgerufe am 20. Januar 2011)
- ↑ Bildli vum zugefrorene Zürisee 1963 (Ufgerufe am 20. Januar 2011)
- ↑ Vgl. Werner Dobras: Seegfrörne. Die spannende Geschichte der Seegfrörnen von 875 bis heute. Stadler Verlagsgesellschaft mbH, Konstanz, 2. veränderte Uflag 1992, ISBN 3-7977-0266-3. S. 46.
[ändere] Weblink
Allmänd (Commons): Gefrorene Seen — Witeri Mulitimediadateie zum Artikel
