Lägern

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Lägern
D Lägere us de Luft

D Lägere us de Luft

Hechi 859 m
Lag Kanton Aargau und Kanton Züri, Schwiiz
Gebirg Jura
Geografischi Lag 669909 / 25918547.4797222222228.3661111111111859Koordinaten: 47° 28′ 47″ N, 8° 21′ 58″ O; CH1903: 669909 / 259185
Lägern (Aargau)
Lägern
Typ Faltejura
Gstei Malmchalch

f

De Grat vo de Lägere

D Lägere isch en langgstreckte Bergrugge im Norde vo de Stadt Züri un im Oschte vo de Stadt Bade. Er isch de öschtlichschti Berg vom Kettejura.

Geografii[ändere | Quälltäxt bearbeite]

De Hügelzug verlauft vo Bade im Weschte, wo d Limmat de Jura duet in ere Klus durchschniide bis Rägeschbärg un Dielsdorf im Oschte. De weschtlichi Teil vom Berg ligt im Kanton Aargau, de öschtlich im Kanton Züri. De Bärgrucke het uf de Weschthälfti en Steiler Grat, wo nach Norde Richtig Äredinge steil abfallt un au uf de Südsite Richtig Wettige sehr stotzig isch. Ufgrund vo de Wescht-Oscht-Usrichtig vom Höhezug, isch s Klima an de Lägerenordsiite dürtlich anderscht wi uf de Südsite. Im Früehlig cha me de Unterschiid bsunders düütlich gseh aber au d Bsidlig am Lägerehang goht uf de Südsite dütlich wider ue wi uf de Nordsite.

Geologii[ändere | Quälltäxt bearbeite]

D Lägere isch in Schichte ufbauet, wo vo Nord nach Süd düent abfalle. Di oberi Schicht, wo teils us härtem, teils us wicherem Kalkstei bstoht u i Wettiger-, Badener- u Wangenerschichte iiteilt wird, bildet de Grat vom Bärgrucke. Drunter ligt di sognannti Effingerschicht us Kalkstei u Mergel u no düfer Dogger u Malm.

Wald Reservat[ändere | Quälltäxt bearbeite]

E Füürlilie uf em Grat vo de Lägere

Viir Zürcher u zwei Aaugauer Gmeinde hei mitenand es Waldreservat realisiiert. Uf ere Flächi vo 159 Hektare soll 50 Johr lang s Holz ned wirtschaftlich gnutz werde. S Alt- u Totholz, wo uf di Art entschtoot u scho entschtande-n-isch, bildet uf die Art en Läbesruum für selteni Vögel, Insekte u Pilz. Durch die Wescht-Oscht-Uusrichtig vom Bärg isch s Klima uf de Nord- un uf de Südsite sehr unterschidlich. Obe am Lägere-Südhang wachsed vili chliwüchsigi Eiche u Linde, wil d Humusschicht derte dünn isch un es wägem Kalkbode seer troche-n-isch. Uf de Nordsite si zum Bischpil d Bueche bis zu 10 Meter höher, wil d Böde tiifgründiger u füchter si.

Literatur[ändere | Quälltäxt bearbeite]

  • Rolf Meier und Bruno Meier (Hg.): Die Lägern – eine Gratwanderung: Landschaft und Kultur eines Grenzberges. Verlag hier + jetzt. 2003. ISBN 3-906419-67-3

Weblink[ändere | Quälltäxt bearbeite]

 Allmänd (Commons): Lägern – Sammlig vo witere Multimediadateie