Knabenkantorei Basel

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Knabekantorey Basel
Knabenkantorei Basel.svg
http://www.knabenkantorei.ch/
Sitz: Basel / Schwiiz
Träger: eigeständig
Gattig: Gmischte Chor
Gründig: 1927
Gründer: Hermann Ulbrich
Leiter/-in: Markus Teutschbein
Stimme: 100 (SATB)
Dialäkt: Baseldytsch

D Knabekantorey Basel (KKB) isch e Schwyzer Knabekoor us Basel; är isch us de "Singknabe vo dr evangelisch-reformierte Kirche Basel-Schtadt", wo 1927 gründet worde isch, hervorgange. Hütt isch dr Koor konfessionell neutral. Gsunge wärde gaischtligi und wältligi Wärgg. Scho 1938 het dr Koor in dr Urufffiehrig vo Jeanne d'Arc au bûcher vom Arthur Honegger in Basel unter em Dirigat vom Paul Sacher mitgwirggt. Sytt 1983 schtoht dr Koor unter dr Laitig vom Beat Raaflaub. Im 2007 hed dr Dytschi Markus Teutschbein s Dirigat übernoh.

Uffbau[ändere | Quälltäxt bearbeite]

Dr Koor bischtoht us rund 45 Knabe- sowie 35 Männerschtimme. D Männerschtimme sind in dr Regel ehemooligi Knabeschtimme, wo uff e langjöörigi Koorerfahrig zruggluege könne. D Sänger setze e wäsentlige Dail vo ihrere Freyzytt yy: Nääbe de Broobe kömme Gottesdienscht, Kunzärt, Kunzärtraise, Radio- und Färnseh-Uffnahme wie au CD-Yyschpielige drzue. Zer Vertiefig vom Repertoire findet jöörlig e Koorlagr z Maloja schtatt.

D KKB international[ändere | Quälltäxt bearbeite]

D Knabekantorei isch bishär z Franggryych, z Belgie, z Holland, z Ängland, z Dytschland, z Pole, z Russland, in de USA und z Ungarn uffträtte. 1995 het dr Koor uff synere Dytschland-Tournee in de Schtedt Ulm, Wiesbade, Göttige, Hannover und Franggfurt am Main kunzärtiert. 1996 het d Kunzärtrais uff Finnland und Eschtland gfiehrt. 1998, zum 70-Joor-Jubileum, het e Rais nach Sydafrigga schtattgfunde. Im Septämber 1999 isch d KKB z Tschechie uff Tournee gsi. Im Herbscht 2000 het dr Koor Berlin, Potsdam und Poznan beraist. E groossi, üsserscht erfolgryychi Jubileums-Kunzärtrais het im Summer 2002 dr Koor durch Brasilie gfiehrt. Im Mai 2005 isch me z Bulgarie, im Herbscht 2004 und 2006 nomol z Dytschland go Kunzärt gä. Drnäbe het dr Koor uff Yylaadig an bedüttende Musiggfeschtywal dailgno.

D KKB isch usserdäm Gaschtgäberkoor vom bikannte und erfolgryyche Europäische Jugendkoorfeschtywal.

Repertoire[ändere | Quälltäxt bearbeite]

D A-cappella-Lyteratur längt vo dr Renaissance bis zer Modärni. Schwärpünggt bilde d Ufffiehrige vo Oratorie, Mässe und Kantate vo de Komponischte Bach, Händel, Wolfgang Amadeus Mozart, Mendelssohn Bartholdy odr Britten.

Im Wyttere wirgge d Knabeschtimme im Lucerne Festival wie au an Opereufffiehrige vom Theater Basel mit. D A-cappella-Gruppe The Glue us Basel bischtoht us ehemlige Sänger vo dr KKB.

Dirigänte[ändere | Quälltäxt bearbeite]

Presidänte[ändere | Quälltäxt bearbeite]

Webling[ändere | Quälltäxt bearbeite]