Jörg Kachelmann
Dr Jörg Kachelmann (* 15. Juli 1958 z Lörrach, Dytschland) isch e Schwyzer Moderator, Schurnalischt un Unternämmer im Beryych vu dr Meteorologii. Syyni Chänntnis in Meteorologii het er zem Deil autodidaktisch erworbe.[1]
Inhaltsverzeichnis |
Läbe un Wärch [ändere]
Dr Jörg Kachelmann isch z Schaffuuse ufgwagse. Scho ase Chind het er no eigene Aagabe e Meteorolog welle gee un het Wätterufzeichnige gmacht. In dr Schuel- un Summerferine het er fir verschideni Wätterdienscht gschafft. Är het z Züri Geografii, Meteorologie, Mathematik un Physik studiert, het s Studium aber 1983 abbroche – zwee Monet vor syym Exame[1] – un het e Volontariat bi dr Boulevardzytig Sunntigsblick absolviert. Derno het er unter andrem bim Schaffuuser Lokalradio Radio Munot gschafft. Vu dert uus isch er in d Wissnschaftsredaktion vum Schwyzer Färnseh gwägslet. Anne 1988 isch er stellverdrättende Schefredakteer vu dr Schweizer Illustrierte wore.
No eigene Aagabe het er em Südwestfunk e baar Monet lang ohni Uuforderig Wättervorhärsage zuegfaxt, bis die aagnuu wore sin.[2] Anne 1989 het dr Jörg Kachelmann e alt Buurehuus z Bächli gchauft un het des in e Wätterstation umböue. Är het 1991 d Meteomedia AG grindet. 1996 isch dr Kachelmann Programmdiräkter vu Wetter- und Reise-TV wore, wu aber no rund zwei Johr dr Bedriib wider yygstellt het.
Dr Kachelmann bresentiert Wättervorhärsage fir d ARD, zerscht in Südwest 3 un syt 1994 au in dr Sändig Das Wetter im Ersten fir Das Erste, derzue in verschidene Radiostatione. Anne 1996 het er au d Sändig Vorsicht Blöff moderiert, vu 1999 bis 2004 d Talkshow Riverboat, as Mitmoderator au nomol vu 2007 bis 2009,[3], un 1998 d Quiz-Show Einer wird gewinnen. Syt 2000 isch er Gaschtgäber vu syyre eigene Talkshow Kachelmanns Spätausgabe im MDR[4]
Syt 2001 isch dr Kachelmann e sognännte „Bootschafter“ vu dr Deutschen Gesellschaft zur Rettung Schiffbrüchiger.[5] 2008 het er dr „Preis der Deutschen Zipfel“ iberchuu. Derzue het dr Kachelmann fir Danone gworbe[6] un d Initiative Neue Soziale Marktwirtschaft.[7]
Im Novämber 2010, derwylscht dr Griichtsprozäss gege ihn gfiert woren isch, het dr Kachelmann aagchindet, ass er nimi im Färnseh wett moderiere un ass er sich vorerscht us dr Effetligkeit zruckziet.[8] Syt em Jänner 2011 moderiert er wider Wättervorhärsage fir dr lokal Schwyzer Herfunksänder Radio Basel [9] un syt em 4. Merz 2011 fir dr Aschaffeburger Privatradio Primavera.[10][11]
Am 9. Merz 2011 het er ghyrote.[12]
Vergwaltigungsprozäss [ändere]
Am 19. Mai 2010 het d Staatsaawaltschaft Manne Aachlag geg dr Kachelmann erhobe wäg em Verdacht vu bsundersch schwäre Vergwaltigung in Tateinheit mit ere gfehrlige Kerperverletzig. Dr Kachelmann bstrytet die Vorwirf.[13] Am 9. Juli 2010 isch s Hauptverfahre geg dr Kachelmann ufgmacht wore; dr Brozäss het 6. Septämber 2010 aagfange[14][15]
Vum 20. März bis 29. Juli 2010 isch dr Kachelmann in Untersuechigshaft gsi. E Aadrag uf Ufhebig vum Haftbefähl isch vum Landgricht Manne zerscht zruckgwise wore[16][17][18], s Oberlandesgricht Charlsrue het aber am 29. Juli 2010 dr Bschwärde stattgee, wel no dr Aktelag diej zwar e „hinreichender“ aber kei „dringender Tatverdacht“ me bstoh.[19]
D Staatsaawaltschaft het am 18. Mai 2011 vier Johr un drej Monet Haft gforderet, d Verdeidigung het dergege am 24. Mai 2011 e Freispruch beaadrait.[20][21]
Am 31. Mai 2011 isch dr Kachelmann us Mangel an Bewyys frejgsproche wore.[22]
Fueßnotte [ändere]
- ↑ 1,0 1,1 Munzinger-Archiv; Yydrag zum Jörg Kachelmann
- ↑ Interview mit „drehscheibe“
- ↑ t-online.de: Jörg Kachelmann hört bei „Riverboat“ auf, 31. Jänner 2009
- ↑ goethe.de: Konferenz „Current Conditions and Future Prospects“, 21. Oktober 2006
- ↑ DGzRS: Jörg Kachelmann: «Bootschafter» seit 2001
- ↑ Werbung für Danone
- ↑ Werbung für INSM-Kampagne
- ↑ Nie mehr Blumenkohlwolken-Onkel (stern.de vum 3. Novämber 2010)
- ↑ Kachelmann moderiert im Schweizer Radio Spiegel Online vum 22. Jänner 2011
- ↑ Kachelmann wird Wettermoderator beim Radio BR-online vum 24. Februar 2011
- ↑ www.primavera24.de: Wochenendwetter mit Kachelmann
- ↑ sueddeutsche.de vum 11. Mai 2011
- ↑ Staatsanwaltschaft Mannheim (19. Mai 2010). Anklage gegen Moderator Jörg Kachelmann erhoben. Abgruefen am 19. Mai 2010.
- ↑ Landgericht Mannheim (30. Juli 2010). Pressemitteilung im Verfahren gegen J. Kachelmann. Abgruefen am 2. August 2010.
- ↑ FAZ.NET (30. Juli 2010). Eilbedürftig:Kachelmann-Prozess beginnt am 6. September. Abgruefen am 30. Juli 2010.
- ↑ Landgericht Mannheim (7. Juni 2010) - Verteidiger von Herrn Kachelmann stellt Antrag auf Aufhebung des Haftbefehls
- ↑ Spiegel Online 7. Juni 2010: Gericht prüft Freilassung von Kachelmann
- ↑ Landgricht Manne (1. Juli 2010). Pressemitteilung im Verfahren gegen J. Kachelmann. Abgruefen am 1. Juli 2010.
- ↑ Oberlandesgericht Karlsruhe: Jörg Kachelmann: Haftbeschwerde hat Erfolg Pressemitdeilig vum 29. Juli 2010
- ↑ Staatsanwaltschaft fordert vier Jahre und drei Monate Haft (stern.de vum 18. Mai 2011)
- ↑ Verteidigung fordert Freispruch (stern.de vum 24. Mai 2011)
- ↑ Freispruch für Kachelmann (spiegel online vum 31. Mai 2011)
Weblink [ändere]
- Artikel zum Stryt zwische DWD un em Kachelmann im Stern vum 13. März 2006
- Kachelmannwetter (meteomedia)
| Dä Artikel basiert uff ere fräie Übbersetzig vu dere Version vum Artikel „Jörg_Kachelmann“ vu de dütsche Wikipedia.
E Liste vu de Autore un Versione isch do z finde. |
| Persoonedaate | |
|---|---|
| NAME: | Kachelmann, Jörg |
| ALTERNATIVNAMEN: | Kachelmann, Jörg Andreas |
| KURZBESCHREIBUNG: | Schweizer Moderator, Journalist und Unternehmer |
| GEBURTSDATUM: | 15. Juli 1958 |
| GEBURTSORT: | Lörrach |
| STERBEDATUM: | |
| STERBEORT: | |
