Schweizer Fernsehen

S Schwiizer Färnseh

Schweizer Fernsehen
Sänderlogo
Allgemeini Informatione
Empfang:	Antenne (DVB-T) Kabel (analog, DVB-C), Satellit (analog, DVB-S) Zattoo & wilmaa (IPTV) vodafone live! (DVB-H)
Länder:	Schwiiz Liechteschtei Europa
Eigedümer:	Schweizerische Radio- und Fernsehgesellschaft SRG SSR
Gschäftsfüehrer:	Ueli Haldimann
Ersti Sändig:	20. Juli 1953
Rächtsform:	öffentlig-rächtlig
Programmtyp:	Vollprogramm
Website:	www.sf.tv
Liste vo Färnsehsänder

S Schwiizer Färnseh (churz SF) isch s nationale Färnseh vo dr dütsche und dr rätoromanische Schwiiz. Es bildet, zsämme mit em Schwiizer Radio (DRS), sit em 1. Januar 2011 s Undernähme «Schweizer Radio und Fernsehen (SRF)». Das sälber isch en Undernähmenseiheit vo dr SRG SSR idée suisse (Schwiizerische Radio- und Färnsehgsellschaft).

Bis 1993 het s Programm TV DRS oder usgschriibe Television der deutschen und rätoromanischen Schweiz gheisse, denn bis 2005 SF DRS (Schweizer Fernsehen der deutschen und rätoromanischen Schweiz). D Bevölkerig sait hüfig eifach s «Schwiizer» oder «SF» (offizielli Abchürzig für Schwiizer Färnseh).

Offiziell isch s Schwiizer Färnseh e privaträchtligs Undernähme (d SRG isch e privaträchtlige Verein), het aber dur e Spezialkonzession vom Bundesroot dr Charakter von ere öffentlig-rächtligen Aastalt.

S Undernähme bedriibt momentan drei Färnsehprogrammkanäl: SF 1 (2003: 33.8 % Märtaadeil), SF zwei (8 %) und SF info. Zum Vergliich: RTL isch mit 7 % Märtaadeil uf em dritte Blatz.

D Studio vom Schwiizer Färnseh befinde sich sit de 1970er-Johr im Gebiet am Leutschebach im Norde vo Züri. Dr Begriff «Leutschebach» wird vo de Dütschschwiizer hüfig metonymisch für s Undernähme bruucht.

Weblingg

• Website vom Schwiizer Färnsehe
• Website vom Schwiizer Radio und Färnsehe
• Videoportal bom Schwiizer Färnsehe
• Podcasts vom Schwiizer Färnsehe
• TV-Programm vom Schwiizer Färnsehe und vo andere dütschsproochige Sänder
• Chronik SF
• Website vo dr Radio e Televisiun Rumantscha (rätoromanisch)