Jörg Kachelmann

Us der alemannische Wikipedia, der freie Dialäkt-Enzyklopedy
Dr Jörg Kachelmann (2016)

Dr Jörg Kachelmann (* 15. Juli 1958 z Lörrach, Dytschland) isch e Schwyzer Moderator, Schurnalischt un Unternämmer im Beraich vu dr Meteorologii. Syyni Chänntnis in Meteorologii het er zem Deil autodidaktisch erworbe.[1]

Läbe un Wärch[ändere | Quälltäxt bearbeite]

Dr Jörg Kachelmann isch z Schaffuuse ufgwagse. Scho ase Chind het er no eigene Aagabe e Meteorolog welle gee un het Wätterufzeichnige gmacht. In dr Schuel- un Summerferine het er fir verschideni Wätterdienscht gschafft. Är het z Züri Geografii, Meteorologie, Mathematik un Physik studiert, het s Studium aber 1983 abbroche – zwee Monet vor syym Exame[1] – un het e Volontariat bi dr Boulevardzytig Sunntigsblick absolviert. Derno het er unter andrem bim Schaffuuser Lokalradio Radio Munot gschafft. Vu dert uus isch er in d Wissnschaftsredaktion vum Schwyzer Färnseh gwägslet. Anne 1988 isch er stellverdrättende Schefredakteer vu dr Schweizer Illustrierte wore.

No eigene Aagabe het er em Südwestfunk e baar Monet lang ohni Uuforderig Wättervorhärsage zuegfaxt, bis die aagnuu wore sin.[2] Anne 1989 het dr Jörg Kachelmann e alt Buurehuus z Bächli gchauft un het des in e Wätterstation umböue. Är het 1991 d Meteomedia AG grindet. 1996 isch dr Kachelmann Programmdiräkter vu Wetter- und Reise-TV wore, wu aber no rund zwei Johr dr Bedriib wider yygstellt het.

Dr Kachelmann bresentiert Wättervorhärsage fir d ARD, zerscht in Südwest 3 un syt 1994 au in dr Sändig Das Wetter im Ersten fir Das Erste, derzue in verschidene Radiostatione. Anne 1996 het er au d Sändig Vorsicht Blöff moderiert, vu 1999 bis 2004 d Talkshow Riverboat, as Mitmoderator au nomol vu 2007 bis 2009,[3], un 1998 d Quiz-Show Einer wird gewinnen. Syt 2000 isch er Gaschtgäber vu syyre eigene Talkshow Kachelmanns Spätausgabe im MDR[4]

Syt 2001 isch dr Kachelmann e sognännte „Bootschafter“ vu dr Deutschen Gesellschaft zur Rettung Schiffbrüchiger.[5] 2008 het er dr „Preis der Deutschen Zipfel“ iberchuu. Derzue het dr Kachelmann fir Danone gworbe[6] un d Initiative Neue Soziale Marktwirtschaft.[7]

Im Novämber 2010, derwylscht dr Griichtsprozäss gege ihn gfiert woren isch, het dr Kachelmann aagchindet, ass er nimi im Färnseh wett moderiere un ass er sich vorerscht us dr Effetligkeit zruckziet.[8] Syt em Jänner 2011 moderiert er wider Wättervorhärsage fir dr lokal Schwyzer Herfunksänder Radio Basel[9] un syt em 4. Merz 2011 fir dr Aschaffeburger Privatradio Primavera.[10][11]

Am 9. Merz 2011 het er ghyrote.[12]

Vergwaltigungsprozäss[ändere | Quälltäxt bearbeite]

Am 19. Mai 2010 het d Staatsaawaltschaft Manne Aachlag geg dr Kachelmann erhobe wäg em Verdacht vu bsundersch schwäre Vergwaltigung in Tateinheit mit ere gfehrlige Kerperverletzig. Dr Kachelmann bstrytet die Vorwirf.[13] Am 9. Juli 2010 isch s Hauptverfahre geg dr Kachelmann ufgmacht wore; dr Brozäss het 6. Septämber 2010 aagfange[14][15]

Vum 20. März bis 29. Juli 2010 isch dr Kachelmann in Untersuechigshaft gsi. E Aadrag uf Ufhebig vum Haftbefähl isch vum Landgricht Manne zerscht zruckgwise wore[16][17][18], s Oberlandesgricht Charlsrue het aber am 29. Juli 2010 dr Bschwärde stattgee, wel no dr Aktelag diej zwar e „hinreichender“ aber kei „dringender Tatverdacht“ me bstoh.[19]

D Staatsaawaltschaft het am 18. Mai 2011 vier Johr un drej Monet Haft gforderet, d Verdeidigung het dergege am 24. Mai 2011 e Freispruch beaadrait.[20][21]

Am 31. Mai 2011 isch dr Kachelmann us Mangel an Bewyys frejgsproche wore.[22]

Schrifte[ändere | Quälltäxt bearbeite]

  • mit em Siegfried Schöpfer: Wie wird das Wetter? - Eine leicht verständliche Einführung für jedermann. Rowohlt, Reinbek bei Hamburg 2006, ISBN 3-499-62089-8.
  • mit em Christoph Drösser: Das Lexikon der Wetterirrtümer. Rowohlt, Reinbek bei Hamburg 2006, ISBN 978-3-499-62157-4.
  • (as Hrsg.): Die große Flut. Unser Klima, unsere Umwelt, unsere Zukunft. Rowohlt, Reinbek bei Hamburg 2002, ISBN 3-498-03517-7.
  • mit dr Miriam Kachelmann: Recht und Gerechtigkeit. Ein Märchen aus der Provinz. Heyne, München 2012, ISBN 978-3-453-20025-8.

Hörbuch[ändere | Quälltäxt bearbeite]

  • mit Miriam Kachelmann: Recht und Gerechtigkeit. Ein Märchen aus der Provinz. (gekürzte Lesung). München: Random House 2012. ISBN 9783837117950

Literatur[ändere | Quälltäxt bearbeite]

  • Thomas Knellwolf: Die Akte Kachelmann – Anatomie eines Skandals. Orell Füssli, Zürich 2011, ISBN 978-3-280-05443-7.

Weblink[ändere | Quälltäxt bearbeite]

 Commons: Jörg Kachelmann – Sammlig vo Multimediadateie

Fueßnotte[ändere | Quälltäxt bearbeite]

  1. 1,0 1,1 Munzinger-Archiv; Yydrag zum Jörg Kachelmann
  2. Interview Archivlink (Memento vom 26. Augschte 2010 im Internet Archive) mit „drehscheibe“
  3. t-online.de: Jörg Kachelmann hört bei „Riverboat“ auf, 31. Jänner 2009
  4. goethe.de: Konferenz „Current Conditions and Future Prospects“ (Memento vom 3. Augschte 2010 im Internet Archive), 21. Oktober 2006
  5. DGzRS: Jörg Kachelmann: «Bootschafter» seit 2001. Archiviert vom Original am 24. Juli 2012; abgruefen am 29. Juli 2010.
  6. Werbung für Danone Archivlink (Memento vom 26. Mai 2010 im Internet Archive)
  7. Werbung für INSM-Kampagne
  8. Nie mehr Blumenkohlwolken-Onkel (stern.de vum 3. Novämber 2010)
  9. Kachelmann moderiert im Schweizer Radio (Memento vom 13. April 2011 im Internet Archive) Spiegel Online vum 22. Jänner 2011
  10. Kachelmann wird Wettermoderator beim Radio (Site cha nüme abgrüeft wärde; Suche im Webarchiv)[1] [2] Vorlage:Toter Link/www.br-online.de BR-online vum 24. Februar 2011
  11. www.primavera24.de: Wochenendwetter mit Kachelmann. Archiviert vom Original am 21. Mai 2011; abgruefen am 31. Mai 2011.
  12. sueddeutsche.de vum 11. Mai 2011
  13. Staatsanwaltschaft Mannheim: Anklage gegen Moderator Jörg Kachelmann erhoben. 19. Mai 2010. Abgrüeft am 19. Mai 2010.
  14. Landgericht Mannheim: Pressemitteilung im Verfahren gegen J. Kachelmann. 30. Juli 2010. Abgrüeft am 2. August 2010.
  15. FAZ.NET: Eilbedürftig:Kachelmann-Prozess beginnt am 6. September. 30. Juli 2010. Abgrüeft am 30. Juli 2010.
  16. Landgericht Mannheim (7. Juni 2010) - Verteidiger von Herrn Kachelmann stellt Antrag auf Aufhebung des Haftbefehls
  17. Spiegel Online 7. Juni 2010: Gericht prüft Freilassung von Kachelmann. Archiviert vom Original am 29. Juli 2010; abgruefen am 29. Juli 2010.
  18. Landgricht Manne: Pressemitteilung im Verfahren gegen J. Kachelmann. 1. Juli 2010. Abgrüeft am 1. Juli 2010.
  19. Oberlandesgericht Karlsruhe: Jörg Kachelmann: Haftbeschwerde hat Erfolg (Memento vom 5. Augschte 2010 im Internet Archive) Pressemitdeilig vum 29. Juli 2010
  20. Staatsanwaltschaft fordert vier Jahre und drei Monate Haft (stern.de vum 18. Mai 2011)
  21. Verteidigung fordert Freispruch (stern.de vum 24. Mai 2011)
  22. Freispruch für Kachelmann (Memento vom 3. Juni 2011 im Internet Archive) (spiegel online vum 31. Mai 2011)
Dä Artikel basiert uff ere fräie Übersetzig vu dere Version vum Artikel „Jörg_Kachelmann“ vu de dütsche Wikipedia. E Liste vu de Autore un Versione isch do z finde.