Internet

Visualisierig vo de verschiidene Route dur Deil vom Internet.

S Internet (vo ängl.: interconnected networks: „Netzwärk wo underenander verbunde si“) isch e wältwiits Netzwärk, wo us vile Computernetzwärk bestoht wo mitenander verbunde si, und wo me drüber Date cha usdusche. Es macht d Nutzig vo Internetdienst wie E-Mail, Telnet, Usenet, Dateiüberdragig, WWW und in dr letzte Ziit immer meh au Telefonii, Radio und Färnsehe möglig. Im Prinzip cha jede Computer wältwiit mit jedem andere Computer verbunde wärde. Dr Datenusduusch zwüsche de einzelne Internet-Computer bassiert über Internetprotokoll, wo technisch normiert si. D Technik vom Internet wird vo dr RFCs vo dr Internet Engineering Task Force (IETF) beschriibe. Umgangssproochlig wird „Internet“ hüfig synonym zum World Wide Web bruucht, wil säll eine vo de populärste Internetdienst isch, und wäsentlig zum Wachsdum und dr Popularität vom Medium bidrait het. Im Gegesatz drzue cha me anderi Mediedienst, wie Telefonii, Färnsehe und Radio erst chürzlig über s Internet erreiche und si hai parallel zum Internet no ihri ursprüngligi Verbreitigstechnik.

Nowiis

Dä Artikel basiert uff ere fräie Übbersetzig vu dere Version vum Artikel „Internet“ vu de dütsche Wikipedia. E Liste vu de Autore un Versione isch do z finde.