Geschichte der Technik

Gschicht vo der Technik

D Gschicht vo der Technik isch so alt wie d Gschicht vo der Menschheit. Vo siine Afäng aa het der Mensch versuecht, siis Läbe dur Hilfsmittel z erliechtere. D Technik isch en wichtige Beschtandteil vo der menschliche Kultur- und Zivilisations-Gschicht. Nachstehend einigi wichtigi Meileschtei vo der Technik-Entwicklig

• Vor rund 600'000 Johr, eventuell au scho früecher: D Hominide schtelle Wärkzüüg us Schtei här
• Vor rund 350'000 Johr: Erschtmalige Gebruuch vo Füür (Feuer) in China
• 4. Johrtuusig vor Christus: S Wage-Rad isch erfunde
• 3. Johrtuusig v. Chr.: Papyrus (Papier) in Ägypte
• 3. Johrtuusig v. Chr.: Sägelschiff in Ägypte; au d Pyramide
• 3. Johrtuusig v. Chr.: Ältischte Bärgbau in Europa
• um 1600 v. Chr.: Metall- und Glasschmelze in Ägypte
• ca. 500 v. Chr.: Aatrieb vo technische Vorrichtige (z.B. Mühlen) mit Tiergöpel dur d Grieche
• 3. Johrhundert v. Chr.: Iiseguss in China
• um 275 v. Chr.: manuelli Cholbe-Pumpi erfunde
• um 180 v. Chr.: Druck-Wasserleitig vo Pergamon mit ca. 18 bar Druck
• um Chr. Geburt: Wassermühle in Rom
• 1. Johrhundert nach Chr.: Glasfänschter in Rom
• um 1000: Uusbreitig vom Wasserrad in Europa
• um 1050: Destillation vo Alkohol
• 12. Johrhundert: Entdeckig vo chemische Süürine
• ab 12. Johrhundert: Windmühlene in Europa (in Persie scho im 7. Johrhundert)
• 1231 Schiesspulver in China, 1320 Gschütz in Europa
• 13. Johrhundert: Brille
• 14. Johrhundert: Turmuhr
• um 1445: Buechdruck erfunde
• um 1500: Maschine-Entwürf vom Leonardo da Vinci
• 1510: Taschenuhr
• 1561: Drehbank
• 1611: Färnrohr vom Johannes Kepler
• 1642: Rechnigsmaschine vom Blaise Pascal
• 1690: Einfachi Dampfmaschine vom Denis Papin
• 1776: Erschti anwändbari Dampfmaschine im ene englische Iisewärk
• 1804: Erschti Dampflokomotive
• 1805: Lochschtreife-programmierte Wäbstuehl
• 1816: Stethoskop, Abhörgrät vom Arzt (symbolisch für en Medizin-Fortschritt im 19. Jh.)
• 1848: Erschti bruuchbari elektrischi Lampe
• 1861: Telefon
• 1866: Elektromotor
• 1879: Elektrischi Lokomotive mit 3 PS vom Werner Siemens
• 1882: Erschts Chraftwärk in New York vom Thomas Edison
• 1885: Erschts Automobil vom Carl Benz
• 1903: Motorflug vo de Brüeder Wright
• 1912: Erdöl-Raffinerie
• 1924: Erschte medizinische Dialyse-Apparat für Niere-Gschädigti vom Georg Haas
• 1928: Plexiglas (Kunschtschtoff-Glas)
• 1938: Erschti Chärnschpaltig vom Otto Hahn
• 1941: Programmgschtürete Relais-Computer
• 1954: Erschts Chärnchraftwärk i der Sowjetunion
• 1969: Mondlandig vo de USA
• 1972: Mikroprozässor für chlineri Computer (anschtell vo vorhär Transischtore)
• 1982: Solarzälle-Chraftwärk in Kalifornie
• 1991: Afäng vo der breitere Awändig vom Internet

Literatur

Friedrich Klemm: Geschichte der Technik, 1983