David Last
De David Last (* 25. August 1969 z Köln) isch langi Zit im Bündnerland Pfarrer gsii und hüt isch er s im Sanggalisch-Appezällische.
Er isch Autor vo zahlriiche dütsche Wikipedia-Artikel über Bündner reformierti Chilegebäud. Des het zu eme Medieecho in de Reformierte Press gfüert, e Zitschrift, wo schwiizwit verbreitet isch.
Läbe[ändere | Quälltäxt bearbeite]
De David Last isch ursprünglich vo Dütschland. Er isch z Bergisch Gladbach ufgwachse und het nach em Abitur in Münster, Tübinge und Züri evangelischi Theologii gstudiert. Sini ersti Pfarrstell het er im 1997 im Bündnerische Ramosch gha. Dänn isch er drüü Jahr z Brig und dänn foif Jahr z Tschiertsche gsi. Ab em 2008 isch er z Pontresina Pfarrer gsi und ab em 2014 z Sagogn.
Nachane het er am Hochalpine Inschtitut Ftan as Religions- und Arbetstechniklehrer gschaffet. Sit 2022 isch er Pfarrer i de Chilegmeind Thal-Lutzeberg.[1]
Näbe Dütsch redt er au Romanisch. Er isch ghürote mit dr Karin Last-Flammer, wo us em Thurgi stammt, und zäme händ s vier Chind. Sini Frau schaffet hüt as Diakonin.[1]
Weblink[ändere | Quälltäxt bearbeite]
- «Wie ein Akt gegen die eigene Eitelkeit», Artikel uf reformiert.info vom 24. Februar 2010 (Memento vom 2. Jänner 2014 im Internet Archive)
- Die Online-Mission des Bündner Pfarrers, Artikel uf reformiert.info, vom 25. März 2011 (Memento vom 2. Jänner 2014 im Internet Archive)
Fuessnoote[ändere | Quälltäxt bearbeite]
- ↑ 1,0 1,1 Monika von der Linden: Evangelisch Thal-Lutzenberg: David Last wird Pfarrer in Buechen. St. Galler Tagblatt vom 19. Mai 2022.