Dani vo Wattewyl

Dialäkt: Baseldütsch

Dr Daniel vo Wattewyl (* 11. Septämber 1972 z Baasel) isch e Schwizer Radio- und Färnseemoderator, Schauspiiler und Schriftsteller.

Lääbe

Dr Dani vo Wattewyl isch im Baselbieter Biel-Bänke ufgwaggse, isch z Oberwil uf d Sek und denn uf d Diplommiddelschuel z Baasel. Sit 1995 isch er Noochrichdemoderator bi Telebasel. Usserdäm het er vo 1997 bis 2008 die wöchentligi Talkshou Pur moderiert. In dere Funkzioon het er in de letschte Joor mit regionaale, nazionaale und internazionaale Brominänte und Persönligkäite z due gha, wie em Emil, dr Sina, em Hape Kerkeling oder em Viktor Giacobbo. As Schauspiiler isch er unter anderem im Baasler Häbse-Theater oder im Bernhard-Theater z Züüri uf dr Büüni gstande. Vom Mai 2007 bis Oktober 2009 het er uf TeleBärn d Sändig Das von Wattenwyl-Gespräch moderiert.

Dr Wattewyl schafft au as Radioredakter. Vo 1999 bis 2004 isch er Gschäftsfüerer vo Radio Edelweiss resp. Radio Basel 1 gsi. Im Baasler Friedrich Reinhardt Verlaag het er sit 2010 vier Thriller veröffentligt. Sit 2013 isch dr Wattewyl Radiomoderator bi Radio Basilisk, und sit 2022 läitet er s Häbse-Theater.

Dr Wattewyl woont und schafft z Baasel und isch acht Joor lang mit dr Schauspiilere Caroline Rasser liiert gsi, bis die bäide im Juni 2010 entschiide häi, sich z drenne. Dr Wattewyl het e Zwillingsbrueder.

Wärk

• Der Maulwurf. Thriller. Reinhardt, Baasel 2010, ISBN 978-3-7245-1681-1.
• Die Brigade des Falken. Thriller. Reinhardt, Baasel 2011, ISBN 978-3-7245-1698-9.
• Die Patriotenlüge. Thriller. Reinhardt, Baasel 2012, ISBN 978-3-7245-1792-4.
• Das Tribunal von Troja. Thriller. Reinhardt, Baasel 2015, ISBN 978-3-7245-1988-1.

Weblingg

• Literatur vu un iber Dani von Wattenwyl im Katalog vu dr Dütsche Nazionalbibliothek

Fuessnoote

Dä Artikel basiert uff ere fräie Übersetzig vum Artikel „Dani_von_Wattenwyl“ vu de dütsche Wikipedia. E Liste vu de Autore un Versione isch do z finde.