Emil Steinberger
| Dialäkt: Schwäbisch |
Dr Emil Steinberger (* 6. Januar 1933 z Lozern) isch an Schweizer Kabrettischd, Schrifdschdellr, Regisseur on Schauspieler, wo seid de 1970er amma broida Publikum en Deitschland on en dr Schweiz wegga seine witziche TV-Sketch als "EMIL" bekannt isch.
Inhaltsverzeichnis |
[ändere] Leba ond Schaffa
Noch ra Ausbildong zom Boschtbeamta hot er ab 1960 fenf Johr lang dia Luzernr Schul fir Gschdaldong bsuacht ond isch diblomiertr Grafichr worda. 1967 hot er s "Kleintheater am Bundesplatz" ereffnt, wo Jazzkonzert, Theadr- on Kabrettvorschdellunga on nadirlich seine oigne Brogramm schdaddgfonda henn. Dr Emil Schteibergr hot en Luzern a Schdudio-Kino mit 150 Blätz uffbaut, wo bis heit ondram Nama "Atelier-Kino" exischdierd.
Em Johr 1977 isch er no für nein Monat en dr Manege vom Circus Knie gschdanda. Die en dr ARD ausgschdrahlde Emil-Uffzeichnonga henn ihn no au en Deitschland bekannt gmacht. Es senn no diverse Tourneea durch die Bondesrebublik on d Schweiz gfolgd, au en dr DDR isch er mährmols ufftretta. Wega denne iberaus erfolgreiche Tourneea hot er sich no 1980 entschlossa bloss no dr "Emil" zom sei. Seine "Emil-Nommra" hot er au uff Franzesisch gschpielt. Fir die Fanzosa muss es wohl bsondrs luschdig gwä sei, wia mr so liesd...
Drneba isch er au als Schbrecher en Kenderherschbiel (z.B. en Michel aus Lönneberga von dr Aschdridd Lindgren) gwä (der Witz do droh isch, daß dr Michl em Original "EMIL" hoist) on em Kenderbrogramm vom Fernsehen DRS dädig.
A weitrer Meilastoi en seinra Karrier isch die Hauptroll em Film Die Schweizermacher onter m Regisseur Rolf Lyssy gwä. Er isch abbr au sehr guat em Film Video-Liebe, a baar Johr schbädr gwä. Er hot a greesre Roll ghet on isch no witzichr gwä.
Im Johr 1987 isch die letscht Emil-Vorstellong glaufe. Dr Emil Steibergr isch no Ende 1993 noch New York, zom dort a normals, birgrlichs Leba en dr Anonymität zom fihra, hot am 28. Mai 1999 sei Lebnsgfährdin, d Niccel Kristuf gheirotet. Boide senn abr 1999 en d Schweiz zrickgkehrt on lebet seitdem am Genfersee.
Danoch isch no sei erschds Buch "Wahre Lügengeschichten" erschiena, wo no viele Lesunga in dr Schweiz on en Deitschland drauf gfolgt senn. Em Oktober 2001 isch no sei zweits Buch "Emil via New York" erschiena. Em Johr 2001 hot er mit seinra Frau an oigna Verlag grindet, die "Edition E", wo neba seine Biacher au seine EMIL-Sketch uff Vidjo on DVD dren vreffentlicht on vrtrieba werdet.
[ändere] Auszeichnonga
Dr Emil Steinberger hot a ganze Reih vo Auszeichnonga bekomma:
- 1971 - "Anerkennungspreis der Stadt Luzern" fir kulturelle Tätigkeite
- 1985 - Prix Walo
- 1986 - Karl-Valentin-Orden
- 1976 - Deutschen Kleinkunstpreis en de Kategorie Kabarett
- 1988 - Hans Reinhart-Ring vo de Schweizer Gesellschaft für Theaterkultur
- 1996 - "Ehrennadel der Stadt Luzern"
- 2003 - Rose von Montreux Goldene Ehrenrose
- 2003 - Oertli-Preis fir sei Humor, wo iber Sprachgrenzen goht
- 2004 - Göttinger Elch fir sei Lebeswerk
- 2004 - Deutscher Comedypreis Ehrenpreis für sein Lebenswerk
- 2004 - Morenhovener Lupe
- 2005 - Salzburger Stier Ehrenstier für sein Lebenswerk
- 2006: Bayerischer Kabarettpreis (Ehrepreis)
- 2008: Ehrebürger vo de Stadt Lozärn zue seim 75. Geburtstag
- 2008: Das große Kleinkunstfestival Ehre-Preis
- 2009: Münchhausen-Preis
- 2009: Stern der Satire
- 2010: Arosa Humorfüller - Jurypreis vom Arosa Humor-Festival fir sei Lebeswerk
- 2011: SwissAward - Lifetime Award fir sei Lebeswerk
[ändere] Seine wichtichschde Sketch (a Auswahl)
| Hochdeutsch | Schwyzerdüütsch | Francais |
|---|---|---|
| Am Fenster | Am Fenster | A la fenetre |
| Am Matterhorn | Am Matterhorn | Au Cervin |
| Das Steuerformular | Stüürformular | - |
| Der Blutspender | De Bluetspänder | Donneur du sang |
| Der Feinschmecker | De Gourmet | Le gourmand |
| Der Kinderwagen | De Chinderwage | La poussette |
| Der Wahlverlierer | De Wahlverlüürer | Politicien flambant |
| Hochzeitsglückwünsche | Hochzeitsglückwünsche | - |
| Im Zug | Im Zug | Dans le train |
| Mengenlehre | Mengenlehre | La theorie des ensembles |
| Polizeihauptwache | Polizeihauptwach | Poste de police |
| Telegrafenamt | De Telegrafenbeamti | - |
| - | Am Kiosk | Le kiosque |
| - | De Quizmaster | - |
[ändere] Ekschterni Syte
- Literatur vum un iber de Emil Steinberger im Katalog vu dr Dytsche Nationalbibliothek
- Artikel Emil im Historische Lexikon vo dr Schwiiz
- Offizielle Webpräsenz
- Edition E
- http://www.ichbinfroehlich.ch
- Dr Emil Steinberger im VIP-Gäschtebuech vo www.startalk.ch
- http://www.goettinger-elch.de
| Persoonedaate | |
|---|---|
| NAME: | Steinberger, Emil |
| ALTERNATIVNAMEN: | |
| KURZBESCHREIBUNG: | Schweizer Kabarettist, Schriftsteller, Regisseur und Schauspieler |
| GEBURTSDATUM: | 6. Januar 1933 |
| GEBURTSORT: | Luzern |
| STERBEDATUM: | |
| STERBEORT: | |
 |
Des isch e Artikel oder e Absatz über e regionali Bsunderheit. Er dät no besser wirke, wänn er in dr Dialäktspiilart vu sälere Region gschriibe wär. Ich, dr erscht oder dr Hauptautor vu däm Artikel oder däm Absatz, dät mi freie, wänn eber esach in s lokal Alemannisch ibersetze dät. Schryb bitte i dr Zämmefassig dass du de Artikel i de lokale Dialäkt umänderesch.
Lueg dezue au Froge un Antworte zum Dialäkt. |
