Bubikon

Dialäkt: Züritütsch

Buebike

Bubikon
Basisdate
Staat:	Schwiiz
Kanton:	Züri (ZH)
Bezirk:	Hinwilw
BFS-Nr.:	0112i1f3f4
Poschtleitzahl:	8608
Koordinate:	704550 / 23634447.2697148.820278509
Höchi:	509 m ü. M.
Flächi:	11.58 km²
Iiwohner:	6776 (31. Dezämber 2011)
Website:	www.bubikon.ch
Karte
www

Buebike isch e politischi Gmeind im Bezirk Hinwil im Kanton Züri i de Schwiiz.

Wappe

Blasonierig (Wappebeschriibig)

Gviertlet: 1 es durchgehends silberigs Chrüüz (Balkechrüüz) uf rotem Grund 2 und 3 es schwarzes latiinisches B uf goldigem Grund 4 es silberigs Gabelchrüüz uf schwarzem Grund

S Wappe vo de Gmeind Buebike wird scho i de Chronick der Eydgnosschaft vom Johannes Stumpf usem Jaar 1547 als Zeie für s Dorf Buebike uufgfüehrt und isch bi de Wappebereinigung i de 1930-er Jaar als offiziells Gmeindswappe übernah worde.

S wiissi Balkechrüüz uf rotem Grund staht für d Johanniterritter. Uf de Chrüüzzüüg isch das Zeiche als Symbol für de Kampf für Christus uf em Wafferock treit worde. S wiissi Schwalbeschwanzchrüüz uf schwarzem Grund bedüütet de Kampf vo de Ritter gäge d Chranket. Es symbolisiert d Barmhärzigkeit und mer seit au, di acht Spitz vom Chrüüz symbolisierid di acht Seeligpriisige und di vier Bälke vom Chrüüz di vier Evangelie.

Di erschte Sidler, d Sippe vom Alemann Buobo, d Buobinger, wärded dur di beide schwarze B uf goldigem Grund dargstellt.

Buebike

Geographii

Zur Gmeind Buebike ghört au der Ortsteil Wolfhuuse.

Wolfhuuse

D Laag vo Buebike wiist en uusgsprochni Passlaag uuf. S Wasser vo Buebike lauft i d Jona und schliesslich in Obersee, em östliche Tail vom Zürisee. S Wasser vom Dorfteil Wolfhuuse lauft in eigentliche Zürisee und das vo de nördliche Wiilere sammlet sich zur Aalau und wirt schliessli zur Glatt.

S Piet vo de Gmäind umfasst 60,5 % Landwirtschaftlichi Flechi, 12,4 % Wald, 13,4 % Sidligsflechi, 7,6 % Vercheersflechi und 1 % Gwässerflechi.

Gschicht

Buebike isch zum eschte Mal gnamset worde im Jaar 811 als Puapinchova.

S Ritterhuus vo Buebike

Sehenswürdigkeite

Uf emene Nagelfluespore im Südoste vo de Gmeind staht s Ritterhuus Buebike. S isch 1192 vom Diethelm V. vo Toggeburg em Johanniterorde gschänkt worde und aaschlüüssend zur Kommände uuspoue worde. 1570 isch s Huus s letscht Mal erwiiteret worde und isch hüt di am beste erhalteni Johanniterkomturei vo Europa. S Huus isch im Psitz vo de Ritterhusgsellschaft Buebike, wo 1936 ggründet worde isch und wo deet es Museum über d Gschicht vo de Chrüüzzüüg und de Ritterorde betriibt.

Nid z fergesse isch da au s Hasemuseum i de Nächi fom Baanhof.

Bevölkerig

Bevölkerigsentwicklig

Johr	1634	1850	1870	1900	1920	1950	1970	2000	2010
Iiwohner	262	1591	1489	1555	1809	2265	3244	5424	6573

De Uusländeraatäil liit bi 10 % (Stand 2011).

Religion

45,0% vo de Iiwooner sind evangelisch-reformiert, 26,2% sind römisch-katholisch (Stand 2011).

Politik

Bi de Kantonsraatswaale 2011 hät s das Ergebnis ggee: BDP 3,6 %, CVP 4,6 %, EDU 9,7 %, EVP 4,9 %, FDP 7,3 %. GLP 12,5 %, GP 9,1 %, SP 16,0 %, SVP 31,7 %, Suschtigi 0,5 %.

Gmeindspresidänt isch de Bruno Franceschini.

Wirtschaft

D Arbetslosigkäit isch im Jaar 2010 bi 2,2 % gläge.

Tieläkt

De züritüütsch Tieläkt vo Buebike ghört zue de Seemundarte.

Literatur

• M. Bührer, K. Schmid, J. Zollinger: Bubikon - Wolfhausen, 1981-83

Weblinks

 Allmänd (Commons): Buebike – Sammlig vo witere Multimediadateie

• Offizielli Website vo de Gmeind Buebike
• Artikel Bubikon im Historische Lexikon vo dr Schwiiz
• Gmeind Buebike im GIS vom Kanton Züri
• Offizielli Website vo de Ritterhuusgsellschaft Buebike

• 

  Vihmarkt z Buebike

• 

  Vihmarkt z Buebike