Basler Läckerli

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dialäkt: Baseldütsch
Basler Läckerli
de Daig, früsch aagschnitte
d'Zuckerglasur git des beruehmti Wolkemuschter

Basler Läckerli sin öbbis ähnlichs wie Läbkueche. Si werde unter anderem mit Honig, kandierte Frücht ud Nussete gmacht. Di bachene Läckerli werde erscht mit Zuckerglasur iigschtriche un drno in kleini, rächteckigi Schtuck gschnitte.

Ihre Name hen si vo de Schtadt Basel, wo si erfunde worde sin un hüt no gmacht wärde.

Gschicht[ändere | Quälltäxt bearbeite]

Urschprünglich kömme d'Läckerli vo de Läbkuechebecke ussem Imbergässli in de Basler Inneschtadt. Wo de Konzil vo Basel gsi isch (1431–1449), het me für selli gege 300 versammlete Kirchefürscht öbbis zuem schneugge gsuecht. Will de Läbkueche für selli wohl z'bescheide gsi isch, hen d'Läbkuecher - wie me di Becke dörtmols gnennt het - e edleri Variante gschaffe.

De Begriff "Basler Läckerli" isch zuem erschte mol im Johr 1720 ufftaucht.

Hüt kriegt me d'Läckerli z'Basel im "Läckerli Huus". S'Läckerli Huus isch näbe'm bekannte Lade in de Gerbergass e Firma wo d'Balser Läckerli herschtelle un vertriibe duet. Si ghört zue de Dalasta Holding AG, e Schwiizer Firma, wo verschiedeni regionali Schpezialitäte produziert un vertriibt. Zuem 1. Januar 2007 isch es Läckerli Huus zämme mit de Unternähmensgruppe an d'Miriam Blocher verkauft worde, d'Fuehrig vom Unternähme het sich nümmi innerhalb vo de Familie regle lo [1].

Schriibwiis[ändere | Quälltäxt bearbeite]

Will de Name e Eigewort ussem Dialäkt isch, cha me kei korrekti Schriibwiis feschtmache. "Basler Läggerli" kunnt de Basler Usschproch am nöchschte.

De Dude schriibt "Baseler Leckerli" als di richtigi dütschi Schriibwiis vor. Die hochdütschi Schriibwiis "Baseler" - mit em zuesätzliche e - isch aber in de Schwiiz verpönt. Als Iidütschig un in de andere Kanton wird sellewäg vo "Basler Leckerli" gschriebe.

Di erschti Erwähnig 1720 lutet "Basler Läckerli". Au d'Basler Zittig schriibt e so.

Varia[ändere | Quälltäxt bearbeite]

Im subkulturelle Schprochgebruuch werde di typischerwiis rächteckige Dosiseinheite vom LSD au so gnennt. Sell bezieht sich druff, dass d'Erfindig vo de Subschtanz im Johr 1943 vom Chemiker Dr. Albert Hofmann z'Basel im Labor vo de Firma Sandoz gmacht worde isch.

Nochwiis[ändere | Quälltäxt bearbeite]

  1. Prässemitdeilig: "Das Läckerli-Huus regelt seine Nachfolge" uf http://www.laeckerli-huus.ch/data/html/PressReleasedeutsch_neu.pdf

Weblink[ändere | Quälltäxt bearbeite]

 Allmänd (Commons): Basler Läckerli – Sammlig vo witere Multimediadateie