Verwaltigsglederig vom Liachtaschta

s Undrland (rot) liit rhiiabwärts,
s Oberland (grau) rhiiufwärts

S Förstetum Liachtaschta ischt uftaalt i zwo Wahlkrais mit total ölf Gmonda.

Wahlkrais

D Uuftailig vom Liachtaschta is Undr- und Oberland isch gschechtlech gwachsa und goht bis is 14. Johrhundert zrogg. Dia Struktur isch ono hüt ir Bevölkerig verworzlet wil jeda Wahlkrais a bestimmte Aazahl vo Abgordnete im Landtag (Parlamänt) hät. S Oberland hät 15 und s Untrland 10 Mandat im Landtag.

Undrland

Zom nördleg glägne Wahlkrais Undrland ghören föf Gmonda vor historischa Herrschaft Schellabärg. Do dezue ghören Escha, Gamprii, Muura, Ruggäll und Schellabärg. Dia ehemolig Rychsherrschaft Schellabärg isch Anno 1699 dor da Först vo Liachtaschta kooft wore. De höttig Wahlkrais hät ko Verwaltigsfunkzione meh.

Oberland

Zum flähamässig grössara Wahlkrais Oberland ghöran sächs Gmanda vo da historischa Grofschaft Vadoz. Do dezua ghöran Baalzers, Planka, Schaa, Tresa, Tresabärg und Vadoz. Dia ehemolig Rychsherrschaft Vadoz isch im Johr 1712 dor da Först vo Liachtaschta erworba wora. Da hüttig Wahlkrais hät ka Verwaltigsfunkzione meh.

d Gmanda vo Liachtaschtaa mit erna Exklave und Enklave

Gmonda / Gmanda

D Glederig vor Gmonda (Undrland) oder Gmanda (Oberland) mit erna Dörfer, Exklave und Enklave im Ländle send under Gmonda vom Förschtatum Liachtaschtaa beschreba.

Weblink

• Gemeinden uf liechtenstein.li