Unterland (Liachtaschtaa)

Unterland (Liechtenstein) (Liechtenstein) Escha Escha Gamprii Gamprii Muura Muura Ruggäll Ruggäll Schellabärg Schellabärg

d Gmaine vom Unterland

S Unterland isch e Regioon un e Verwaltigsgliiderig z Liachtaschtaa. S Unterland setzt si us dr Gmaine Escha, Gamprii, Muura, Ruggäll un Schellabärg zäme, wu alli Eschnerberg liige. Ändi 2017 het s Unterland 13 793 Yywooner (36 % vu dr liachtaschtaanische Bevelkerig) un e Flechi vu 35,0 km² (22 % vu dr liachtaschtaanische Landesflechi) ghaa. Fir d Liachtaschtaaner*ne gheert d Zuegheerigkait zum Oberland oder zum Unterland zue ire Identiteet.

Gschiicht

S Unterland isch dr neerdli Landesdail vu Liachtaschtaa un umfasst s Territorium vu dr eemoolige Herrschaft Schellabärg. D Uusdruck Unterland un Oberland sin schyyns eerscht in dr zwoote Helfti vum 19. Joorhundert gängig woore. Vorlaifer sin speeteschtens ab em frieje 18. Joorhundert d Uusdruck Unteri un Oberi Landschaft gsii. Die Näme cheme vu dr Topografy, wu z. B. mit dr Fließriichtig vum Rhyy zämehangt. D Gränze zwische Unterland un Oberland bildet dr „Scheidgrabe“, wu aber hite in dr Landschaft nimi uffallt. Hite sin d Landesdail geograafisch ender dur d Siidliggränze im Ried drännt.

Syter anne 1878 bildet s Unterland en aigene Waalchrais.

Literatuur

• Konrad Kindle: Unterland. In: Historischs Lexikon vom Förschtatum Liachtastaa. 31. Dezember 2011.