Oberland (Liachtaschtaa)

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Oberland (Liechtenstein) (Liechtenstein)
Balzers
Balzers
Planka
Planka
Schaa
Schaa
Tresa
Tresa
Trisabärg
Trisabärg
Vadoz
Vadoz
d Gmaine vom Oberland

S Oberland isch e Regioon un e Verwaltigsgliiderig z Liachtaschtaa. S Oberland setzt si us dr Gmaine Balzers, Planka, Schaa, Tresa, Trisabärg un Vadoz zäme. Ändi 2017 het s Oberland 24 375 Yywooner (64 % vu dr liachtaschtaanische Bevelkerig) un e Flechi vu 125,5 km² (78 % vu dr liachtaschtaanische Landesflechi) ghaa.[1] Fir d Liachtaschtaaner*ne gheert d Zuegheerigkait zum Oberland oder zum Unterland zue ire Identiteet.

Gschiicht[ändere | Quälltäxt bearbeite]

S Oberland isch dr siidli Landesdail vu Liachtaschtaa un umfasst s Territorium vu dr eemoolige Groofschaft Vaduz. D Uusdruck Oberland un Unterland sin schyyns eerscht in dr zwoote Helfti vum 19. Joorhundert gängig woore. Vorlaifer sin speeteschtens ab em frieje 18. Joorhundert d Uusdruck Oberi un Unteri Landschaft gsii. Die Näme cheme vu dr Topografy, wu z. B. mit dr Fließriichtig vum Rhyy zämehangt. D Gränze zwische Oberland un Unterland bildet dr „Scheidgrabe“, wu aber hite in dr Landschaft nimi uffallt. Hite sin d Landesdail geograafisch ender dur d Siidliggränze im Ried drännt.

Syter anne 1878 bildet s Oberland en aigene Waalchrais.

Literatuur[ändere | Quälltäxt bearbeite]

Fueßnote[ändere | Quälltäxt bearbeite]

  1. Liechtenstein in Zahlen 2019. Amt für Statistik Fürstentum Liechtenstein, Jänner 2019 (PDF; 1,6 MB)