Trisabärg

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Triesenberg
Wappa vo Triesenberg
Basisdata
Staat: Fürschtetum Liechtestaan
Wahlkreis: Oberland
Gmoandsummere: 7004
Poschtloatzahl: 9497
Koordinate: 759578 / 22073247.1183339.54167Koordinaten: 47° 7′ 6″ N, 9° 32′ 30″ O; CH1903: 759578 / 220732
Höhi: 884 m ü. M.
Flächi: 29.8 km²
Iiwohner: 2618 (30. Juni 2017)[1]
Bevölkerigsdichti: 87.9 Iiwohner pro km²
Uusländeraatoal: 20,6 % (30. Juni 2017)[2]
Website: www.triesenberg.li
Karte
EschenEschenGamprinMaurenRuggellSchellenbergBalzersBalzersBalzersPlankenSchaanSchaanSchaanTriesenTriesenbergTriesenbergVaduzVaduzVaduzVaduzVaduzLage der Gemeinde Triesenberg im Fürstentum Liechtenstein (anklickbare Karte)
Iber des Bild
Trisabärg

Dr Trisabärg (liachtaschtanerisch Tresabärg – ma seet öppadia o afach Bärg, amtlich Triesenberg) isch, wias dr Nama seid, ober Trisa.

Geografi[ändere | Quälltäxt bearbeite]

Trisäbärg ischt mit rund 29,7 Quadratkilometer vo dr Flechi här di gröscht Gmeind vom Land. Zua dr Gmeind khöörend Trisabärg, Masescha, Silum, Gaflai (Gaflei), Stääg (Steg) und e Exklave um dr Ort Malbuu (Malbun). Malbuu lit in eme Hochtal uf rund 1'600 m ü. M. mit dr Alpa Turna und Pradamee. Stääg lit im Saminatal, zue dr Sidlig khöörend Grossstäg und Chleistäg. Gaflei lit im Norde vo Trisabärg uf rund 1'500 m ü. M., Masescha uf öppe 1'250 m ü. M.. D Nachbüürgmeinde sind Triesen, Schaan, Vaduz, Planken, Balzers. Trisabärg grenzt im Weschte an Tresa, Schaa und Vadoz, im Norde a Planka, im Süde an e Alp vo de Gmeind Baalzers und Tresa, und im Oschte an Alpe vo de Gmeinde Schaa, Vadoz und Baalzers. Zue Trisaberg khöört ou na ne Exklave um Malbun.

Trisabärg lit ufnera Terrassa am Berghang, und ma hät a wundrschöne Ussecht öbers Rhiital von döt. Ma ka guat gi spaziara go, s hät jedi Menge Wäg. Odr ma goht is Reschtaurant, und wenn an Platz uf dr Terrassa odr am Feeschtr öbrkunnt, ka ma näbem Essa dia härrleg Ussecht gnüssa.

Mängsmol im Winter lit Trisabärg scho öberem Näbel, wo meischtens vom Bodasee hära is Rhiital krücht, aber mindeschtens a betzle oberhalb vom Ort isch ma seher oberhalb vo dr Wolkagrenz, und d Wintersunna lüüchtet öber vilna schneebedeckta Berg und amna wiissa Näbelmeer. Bis is Tal brucht ma eppa a halb Stund, und d Stross macht sehr vile Ränk.

Gschicht[ändere | Quälltäxt bearbeite]

D Trisabärger händ ganz n’eigna Dialäkt, will schi äs Walservolk sind. Vor 650 Jahr sinsch is Liachtaschtei igwanderet und händ va da Trisner dr Boda uberko. Trisabärg ischt zum erschte Mal gnennt cho im Jahr 1378 als Trisnerberg.

Bevölkerig[ändere | Quälltäxt bearbeite]

Jahr 1584 1815 1880 1930 1965 2000
Iiwohner 603 753 1021 999 1592 2556

Politik[ändere | Quälltäxt bearbeite]

Gmeindsvorsteher isch dr Christoph Beck (VU).

Religion[ändere | Quälltäxt bearbeite]

Vo dr 2531 Iiwohner sind im Jahr 2000 82,6 % römisch-katholisch gsii und 6,9 % evangelisch-reformiert.[3]

Süschtigs[ändere | Quälltäxt bearbeite]

D Kiarha vom Tresabärg hät an wunderschöna Zwibeltorm, öbregens dr anzeg z Liachtaschta.

Vom Tresabärg kond o d Schüaler bis is Gymnasium Vadoz.

Weblink[ändere | Quälltäxt bearbeite]

 Commons: Trisabärg – Sammlig vo Multimediadateie

Fuessnote[ändere | Quälltäxt bearbeite]

  1. Bevölkerungsstatistik. Amt für Statistik (AS), Fürstentum Liechtenstein, S. 7. Abgrüeft am 31. Jänner 2018. (PDF; 913 kB)
  2. Bevölkerungsstatistik. Amt für Statistik (AS), Fürstentum Liechtenstein, S. 15. Abgrüeft am 31. Jänner 2018. (PDF; 913 kB)
  3. Amt für Statistik Liechtenstein: Religionszugehörigkeit der Bevölkerung in Liechtenstein 2000 nach Gemeinden.