Tresa
| Triesen | |
|---|---|
 | |
| Basisdata | |
| Staat: | Fürschtetum Liechtestaan |
| Wahlkreis: | Oberland |
| Gmoandsummere: | 7002 |
| Poschtloatzahl: | 9495 |
| UN/LOCODE: | LI TES |
| Koordinate: | 758808 / 219568 |
| Höhi: | 512 m ü. M. |
| Flächi: | 26.4 km² |
| Iiwohner: | 5316 (30. Juni 2020)[1] |
| Bevölkerigsdichti: | 202 Iiwohner pro km² |
| Uusländeraatoal: | 36,0 % (30. Juni 2017)[2] |
| Website: | www.triesen.li |
| Karte | |
 | |
| Dialäkt: Liachtastanerisch |
Tresa (amtlich Triesen) isch a Gmänd im Liachtaschtäner Oberland. Tresa wörd vielfach vo da Schwitzer als Triesa usgsprocha, was meh am Schreftbeld vom Hochdüscha gliicht, was fär Liachtaschtäner falsch dönt.
Geografii
[ändere | Quälltäxt bearbeite]Tresa lit im Südweschta vum Förschtatum Liachtaschtä, isch di drittgröscht Gmänd fum Land, di südlig Nochbuurgmänd vu Vadoz und lit zwöschet em Rhii und dr liachtastänischa Bärgwelt.
Dr romantische Dorfkärn met alta Hüüser, ibettet vo Wingert und zwä Kapella sind Züüga vo dr johrhundertelanga Gschecht vom Ort. Vo Ufbruch in dia Moderne hingega züügt di denkmalgeschützt Wäberei, wo im Johr 1863 baut worda ischt.
D Tresner Bärga met da Alpa und dr Tresner Hööberg (Tuas, Münz, Magrüal, Gorn, Maschera, und Platta) sind schön zum Wandara. Dr högscht Bärg fum Liachtaschtä, dr Grauschpetz (2'599 m ü.M.) ischt uf Tresner Boda.
Gschicht
[ändere | Quälltäxt bearbeite]Tresa ischt zum erschte Mol gnennt worda im Johr 1155 als Trisun.
Bevölkerig
[ändere | Quälltäxt bearbeite]| Johr | 1584 | 1812 | 1930 | 1962 | 2000 |
| Iiwohner | 281 | 612 | 1147 | 2129 | 4381 |
Politik
[ändere | Quälltäxt bearbeite]Dr Gmandvorsteher ischt d Daniela Wellenzohn-Erne (VU).
Dr Gmandrot hät d Sitzvertalig (inkl. Gmändvorsteher)
- 6 VU (Vaterländische Union)
- 5 FBP (Fortschrittliche Bürgerpartei)
Religion
[ändere | Quälltäxt bearbeite]Vo dr 4349 Iiwohner sind im Johr 2000 80 % römisch-katholisch gsii und 6,4 % evangelisch-reformiert.[3]
Sähenswördigkeita
[ändere | Quälltäxt bearbeite]- Kapälla "St. Mamerta" (usem 9./10. Johrhundert)
- historischa Dorfkärn
- dr Tresner Hööberg (Tuas, Münz, Magrüal, Gorn, Maschera, und Platta)
- denkmalgeschützti Tresner Wäberei
Weblink
[ändere | Quälltäxt bearbeite]
Commons: Tresa – Sammlig vo Multimediadateie- Offizielle Internetsita vo dr Gmänd Tresa
- Fabian Frommelt, Konrad Kindle, Ulrike Mayr: Triesen. In: Historischs Lexikon vom Förschtatum Liachtastaa.
- Arthur Brunhart: Triesen In: Historisches Lexikon vo dr Schwiiz.
Fuessnote
[ändere | Quälltäxt bearbeite]- ↑ Bevölkerungsstatistik 30. Juni 2020. (PDF; 2,0 MB) In: llv.li. Amt für Statistik (AS), Fürstentum Liechtenstein, S. 14, abgruefen am 21. März 2021.
- ↑ Bevölkerungsstatistik. (PDF; 913 kB) 30. Juni 2017. Amt für Statistik (AS), Fürstentum Liechtenstein, S. 15, abgruefen am 31. Januar 2018.
- ↑ Amt für Statistik Liechtenstein: Religionszugehörigkeit der Bevölkerung in Liechtenstein 2000 nach Gemeinden.
