Republik Venedig

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Republik Venedig
D’Flagge vo Republik Venedig
S Wappe vo Republik Venedig
Amtsschpraach Latiinisch, Venezianisch
Hauptschtadt Venedig
Schtaatsform Republik
Schtaatsoberhaupt und Regierigschef Dr Doge
Unabhängigkeit vom 7. Joorhundert bis 1797

D Republik Venedig (Serenissima Repubblica di San Marco „Durchlauchdigsti Republik vom Häilige Markus“)[1], noch em Woorzäiche vo dr Laguunestadt, em Markuslöi, au as Löijerepublik bezäichnet, isch vom 7./8. Joorhundert bis 1797 e See- und Wirtschaftsmacht gsi, wo s Zentrum von ere im Nordweste vo dr Adria glääge isch. Uf em Höhepunkt vo iirer Vorherrschaft het si über e Kolonialriich gherrscht, wo vo Oberitalie bis Kreta und zitwiis bis zur Krim und uf Züpere gange isch und vo Venedig us glänkt worden isch. Drzue het Venedig Kaufmaakolonie z Flandere und im Maghreb gha, z Alexandria und z Akkon, in Konstantinopel und Trapezunt und in e Hufe Stedt an dr Adria.

Wil sich im Zitalter vo de Entdeckige vom spoote 15. Joorhundert aa d Handelswääg häi afo verändere und d Levante iiri Wichdigkäit verloore het, isch au die wirtschaftlig und politischi Macht vo dr Republik Venedig immer chliiner worde. Bis in s spoote 18. Joorhundert isch Venedig aber ussepolitisch immer no e wichdige Spiiler in dr Middelmeerregioon gsi, bis 1797 die revoluzionääre Franzoose d Stadt bsetzt häi. Im Friide vo Campo Formio si die Ionische Insle, wo dr Republik ghöört häi, an Frankriich gfalle und alles andere as Herzogdum Venedig 1798 an Östriich. D Franzoose und d Ööstriicher häi vo denn aa abwäggselnd d Macht über Venedig gha, bis d Habsburger 1866 im Dütsche Chrieg gege Pröisse und Italie verloore hai und sich d Stadt an s Köönigriich Italie aagschlosse het.

Fuessnoote[ändere | Quälltäxt bearbeite]

  1. D Gina Fasoli het iirer Gschicht vo Venedig (Floränz 1937) äifach La Serenissima gsäit.
Dä Artikel basiert uff ere fräie Übersetzig vu dere Version vum Artikel „Republik_Venedig“ vu de dütsche Wikipedia.

E Liste vu de Autore un Versione isch do z finde.