Schönebuech

Us der alemannische Wikipedia, der freie Dialäkt-Enzyklopedy
Dä Artikel beschribt d Schwizer Gmeind Schönebuech. Witeri Bedütige findt me under Schönebuech (Begriffsklärig).
Schönenbuch
Wappe vo Schönenbuch
Wappe vo Schönenbuch
Basisdate
Staat: Schwiiz
Kanton: Basel-Landschaft (BL)
Bezirk: Arlesheimw
BFS-Nr.: 2774i1f3f4
Poschtleitzahl: 4124
Koordinate: 604698 / 265159Koordinate: 47° 32′ 14″ N, 7° 30′ 4″ O; CH1903: 604698 / 265159
Höchi: 355 m ü. M.
Flächi: 1,36 km²
Iiwohner: 1459 (31. Dezämber 2021)[1]
Website: www.schoenenbuch.ch
Schönebuech us dr Luft
Schönebuech us dr Luft

Schönebuech us dr Luft

Charte
Charte vo SchönenbuchDütschlandDütschlandFrankriichKanton AargauBaselbietKanton SolothurnKanton SolothurnBezirk LaufeBezirk LiestalAesch BLAllschwilArliseBiel-BänggeBinigeBirsfäldeBottmigeEttigeMünchestaiMuttezOberwil BLPfeffigeRiinechSchönebuechTherwil
Charte vo Schönenbuch
w

Schönebuech isch e politischi Gmeind im Bezirk Arlese im Baselbiet in dr Schwiiz.

Geografi[ändere | Quälltäxt bearbeite]

Schönebeuch ligt im Sundgau uf 355 m ü. M. und isch mit nume 136 Hektare (71 % Landwirtschaft, 27 % Siidlig, 2 % Wald) die zweitchliinschti Gmeind vom Baselbiet (nume Giibenech isch no es bizz chliiner). S Dorf isch vo drei Sitte vo Frankriich (Gmeinde Neuweiler und Niederhagenthal) umschlosse. Nume im Nordoschte het si Aschluss a d Baselbieter Gmeind Allschwil.

Wappe[ändere | Quälltäxt bearbeite]

Silberne Grund und drin e roti Bueche uf grüenem Dreiberg. D Bueche stoot für dr Gmeininame -buch(e) und dr Dreiberg wist uf d Höhelag vom Dorf hi.

Gschicht[ändere | Quälltäxt bearbeite]

Schönebuech isch s erscht Moll 1315 inere Urkunde erwäänt worde. Dordrby het me dr alemannisch Wiler noch eme Buecheghölz, wo nid wyt wäg gläge isch, benannt. Im Mittelalter hets Basler Chloschter St. Klara z Schönebuech e Buurehof gha, wo immer widr dr Bsitzer gwäggslet het und im 17. Joorhundert an soledurnisch Stand gfalle isch. Will Schönebuech immer unter dr Oberhoheit vom Bischof vo Basel gstande isch, hets Schicksal vo dr bischöfliche Vogtei Birseck teilt: 1792 Teil vor Raurachische Republik, 1793 französisch und ab 1815 baslerisch (1833 noch em Freiheitskampf baselbieterisch).

Wirtschaft[ändere | Quälltäxt bearbeite]

Z Schönebuech wird no vill Landwirtschaft betriibe, wobi aber d Buure e grosse Dail vo ihrne Fälder ännet dr Gränze uff Elsässer Bode hän und d Frücht vo däm Land zollfrei in d Schwiiz importiere dörfe, was d Elsässer Buure gar nid gärn gseen.

Verkehr[ändere | Quälltäxt bearbeite]

Schönebuech isch mit dr Buslinie 33 vo dr Basler Verkehrsbetriib mit Allschwil und Basel verbunde. Stroosse fiere uff Allschwil und Neuwiller.

Trivia[ändere | Quälltäxt bearbeite]

Schönebuech isch prominänt erwähnt im Baselbieterlied, wo afoot mit „Vo Schönebuech bis Ammel“, will Schönebuech die nordweschtligschti Gmeind vom Kanton gsi isch (sits Laufedaal zem Baselbiet cho isch, isch das jetzt Roggeburg).

Weblink[ändere | Quälltäxt bearbeite]

 Commons: Schönenbuch – Sammlig vo Multimediadateie

Fuessnote[ändere | Quälltäxt bearbeite]

  1. Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021. Bei späteren Gemeindefusionen Einwohnerzahlen aufgrund Stand 2021 zusammengefasst. Abruf am 13. März 2023


Dä Artikel basiert uff ere fräie Übersetzig vu dere Version vum Artikel „Schönenbuch“ vu de dütsche Wikipedia. E Liste vu de Autore un Versione isch do z finde.