Sachslä
| Sachslä | |
|---|---|
 | |
| Basisdate | |
| Staat: | Schwiiz |
| Kanton: | Obwalde (OW) |
| Bezirk: | (Dr Kanton Obwaldä kännt käi Bezirk.) |
| BFS-Nr.: | 1406 |
| Poschtleitzahl: | 6072 Sachseln
6073 Flüeli-Ranft |
| UN/LOCODE: | CH OSA |
| Koordinate: | 661013 / 191079 |
| Höchi: | 483 m ü. M. |
| Flächi: | 53.86 km² |
| Iiwohner: | 5211 (31. Dezämber 2022)[1] |
| Charte | |
 | |
Sachslä (schriftdiitsch Sachseln) isch äs Dorf und ä politischi Gmäind im Kanton Obwaldä i dr Schwiiz.
Sachslä liid zmittst im Kanton Obwaldä und isch diä äinzig Gmäind z Obwaldä, wo a käi andrä Kanton gränzt. D Nachbergmäinde sind Sarnä, Chärns, Lungrä und Giswil.
Z Sachslä isch d Älggi-Alp, wo unnädra dr geografisch Middelpunkt vo dr Schwiz liid.
Geografy und Gschicht
[ändere | Quälltäxt bearbeite]D Gmäind beschtaad us em äigentlichä Dorf und us de Wiiler Ädisriäd, Ewil und em Fliäli. Vo dert chund dr Bruäder Chlois (1417–1487), und dert hed är gläbt, diä letschtä zwenzg Jaar äläi im Roift unnä. Siis Grab isch hitt i der Chilä vo Sachslä. Im Dorf gids oi ds Museum Bruäder Chlois. Im Bruäder-Chlois-Gedänkjaar 2017 wird under anderem s Visonsgedänkspil Vo innä uisä uf dr Sachsler Allmend, i dr Neechi vom Forschtwärchhof Chalchofe, epe uf halber Heechi zwische Sachslä und em Fliäli, im en äxtra buite Pavillon uifgfiärt.
S Dorf liit am Saarnersee. Em See na sind d Gläis vo der Baan ufe Briinig.
Zuä Sachslä gheerd au di äint Syte vom Melchtal mit Täifibach, Äbnet, Underfliä und Chlischterli; is Chlischterli hed sich dr Bruäder Chlois 1467 churz zruggzogä.
Sit em Uistagä 2014 hed Sachslä uber 5000 Iwooner.[2]
Bilder
[ändere | Quälltäxt bearbeite]-
Blick vo dr Chilchgass obenapä uf d Chilä vo Sachslä. -
d Ricksiitä vom Museum Bruäder Chlois -
s Fliäli mit dä Sachsler Bärgä. -
i dr Neechi vom Älggi isch dr Mittelpunkt vo dr Schwiiz. -
dr Roift, um 1825.
Mundartschrifte z Sachslä
[ändere | Quälltäxt bearbeite]-
es Bänkli obän a Ädisriäd -
e Gruess am enä Huis im Dorf -
der Dorfladä -
im Muisschwendli, es Säss obän a Ädisriäd
Liit
[ändere | Quälltäxt bearbeite]- Niklaus von Flüe (1417–1487), Eremit
- Ludwig von Moos (1910–1990), Politiker, Bundesrat
Literatur
[ändere | Quälltäxt bearbeite]- Angelo Garovi: Sachseln. In: Historisches Lexikon vo dr Schwiiz.
Weblink
[ändere | Quälltäxt bearbeite]
Commons: Sachslä – Sammlig vo MultimediadateieFuessnote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ Mittäilig vo dr Gmäind Sachslä am 30. Abrellä 2014
