Alpnach

Us der alemannische Wikipedia, der freie Dialäkt-Enzyklopedy
Alpnach; Alpnacht
Wappe vo Alpnach; Alpnacht
Wappe vo Alpnach; Alpnacht
Basisdate
Staat: Schwiiz
Kanton: Obwalde (OW)
Bezirk: (Dr Kanton Obwaldä kännt käi Bezirk.)
BFS-Nr.: 1401i1f3f4
Poschtleitzahl: 6055 Alpnach-Dorf
6053 Alpnachstad
Koordinate: 663575 / 199136Koordinate: 46° 56′ 25″ N, 8° 16′ 25″ O; CH1903: 663575 / 199136
Höchi: 464 m ü. M.
Flächi: 56,98 km²
Iiwohner: 6125 (31. Dezämber 2021)[1]
Website: www.alpnach.ch
Charte
Charte vo Alpnach; Alpnacht
Charte vo Alpnach; Alpnacht
www

Alpnach ([ˈɑlpnɑχ], hittigstags sältener [ˈɑlpnɑχt]) isch ä Gmäind im Kanton Obwaldä i dr Schwiiz.

Geografii[ändere | Quälltäxt bearbeite]

Alpnach isch diä nerdlichschti Gmäind vo Obwaldä. Nachbergmäinde sind (dr Oorfiigä naa) Stansstad, Hergiswil, Entlibuech, Sarnä, Chärns und Ännemmos.

D Gmäind beschtaad us de drii Täil Alpnach-Doorf, Alpnachstad und em Schoriäd.

D Gmäind hed ä Flechi vo 5698 Hektare. Dr täifschti Punkt isch mid 434 m am Alpnachersee, der heechschti Punkt isch im Pilatusgebiet s Tomlishorn mid 2128,5 m.

Namä[ändere | Quälltäxt bearbeite]

Dr Namä Alpnach wird sit em 19. Jarhunderd allgemäin vo Alpiniacum oder Albiniacum härgläited, was ‚Landguet vom Alpinius oder Albinius‘ häissä tued. Dr Namä gheerd i d Räiä von dä -acum-Nämä wiä dä vo Chisnacht.

Ä Diitig mid ämene diitschä Namä Albo oder Alpo und em althoochdiitschä aha fir ‚Wasser‘, wiä si eppä vom Renward Brandstetter voorgschlagä worden isch, wird abgleend.[2]

Wappä[ändere | Quälltäxt bearbeite]

S Wappä vo Alpnach zäigt ä rooti Liliä uf ämene griänä Driibärg i wiissem Grund.

Gschicht[ändere | Quälltäxt bearbeite]

I dr Uechtere, ämene Häimet zwische Alpnach und Schoriäd, sind im Dezember 1913 Muirä us der Reemerziit firä cho. I de Grabigä ab 1914 hed sich de zäigt, as hiä ä reemische Guetshof gsi isch. Das isch bis etz dr äinzig Oord, wo mä sicher wäiss, as z Obwaldä zu dära Ziit Liit gläbd hend.[3]

Bilder[ändere | Quälltäxt bearbeite]

Literatur[ändere | Quälltäxt bearbeite]

  • Angelo Garovi, Roland Sigrist, et al.: Korporation Alpnach – Von den Anfängen bis in die Gegenwart, Verlag Martin Wallimann, Alpnach 2012. ISBN 978-3-905969-21-4

Weblink[ändere | Quälltäxt bearbeite]

 Commons: Category:Alpnach – Sammlig vo Multimediadateie

Fuessnoote[ändere | Quälltäxt bearbeite]

  1. Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021. Bei späteren Gemeindefusionen Einwohnerzahlen aufgrund Stand 2021 zusammengefasst. Abruf am 15. November 2022
  2. LSG, S. 83.
  3. Emmanuel Scherrer: Die vorgeschichtlichen und frühgeschichtlichen Altertümer der Urschweiz. In Mitteilungen der Antiquarischen Gesellschaft in Zürich, 27 (1909–1916), S. 191 ff., bsunders ab S. 227.