Fliäli-Ramft

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

S Fliäli (oi Fliäli-Ramft) isch än Oord im Kanton Obwaldä und gheerd zur Gmäind Sachslä. Wills guäd zwäihundert Meter heecher liid als ds Dorf Sachslä, hend friäner d Liit vom Dorf dänä vom Fliäli oi d Bärger gsäid.

Dr Orts-Chärn vom Fliäli gilt als «Ortsbild vo nazionaler Bediitig».[1]

Bekannt isch s Fliäli vor allem wäg em Bruäder Chlois, wo hiä 1417 uf d Wäld cho isch, hiä gläbd hed und sich 1467 als Äinsidler i d Melchaaschlucht, i Roift (niiwer oi z Obwaldä Ramft oder Ranft), zruggzogä hed. Gschtorbä isch är 1487. Sis Grab isch z Sachslä unnä, s Fliäli und dr Roift sind aber wichtigi Pilgerschtett. D Zälle, wo im d Obwaldner Regiärig 1468 hed la buiwä, cha mä bsuächä.

Äs markants Gebiiw im Fliäli isch s Hotäll «Paxmontana» (churz äifach oi «s Pax», wo 1896 als Nobelhotäll und Kuirhuis «Ninalphorn» ereffned wordän isch.[2]

Weblink[ändere | Quälltäxt bearbeite]

 Commons: Flüeli-Ranft – Sammlig vo Multimediadateie

Naawiis[ändere | Quälltäxt bearbeite]

  1. Die Ortsbilder von nationaler Bedeutung. Ortsbildaufnahmen. Kanton Obwalden. Flüeli-Ranft. PDF-Datei uf data.geo.admin.ch
  2. Niklaus von Flüe: 100 Jahre Nünalphorn – Paxmontana. Die Hotelgeschichte. Flüeli-Ranft/Sachseln 1996.