Älggi-Alp

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dialäkt: Obwaldnerdytsch
S Älggi

D Älggi-Alp oder churz s Älggi isch diä greeschti Alp i dr Gmäind Sachslä und gheerd a dr Korporazion Sachslä.

Laag und Beschriibig[ändere | Quälltäxt bearbeite]

S Älggi liid hinnä am Chliinä Melchtel ufärä Heechi vo rund 1650 m und isch än erschtuinlich flachi Alp. Wiiteri Alpä i dr Neechi sind Matt und Seefäld midem Seefäldsee.

Näbe verschidenä Alphittä gids hiä oi äs Bärggaschthuis und ä Schiihittä vom Schiklub Sachslä. Zmittst uf dr Alp schtaad ä chliini Chappälä, wo dr häiligä Anna gwichä isch. A bitz hinder dr Chappälä heds äs chliises Pfarrhuisli. Hiä isch eppä dr Pfaarer vo Sachslä i dä Feeriä.

Wer is Älggi wott, cha z Fuäss oder mit dem Bäik det uifä. Äs gid oi ä Faarschtraass ab Sachslä, aber diä isch schmaal und nid bsunders scheen zum Faarä. A dä Wuchenendi gilt d Reglig, dass mä i dä graadä Schtundä is Älggi inä faarä cha und i dä ungraadä Schtundä vom Älggi uisä.

Namä[ändere | Quälltäxt bearbeite]

«Älggi» chund, wie d Fluernamäforschig ärchläärt, vom Namä «Alp-Gau» und bediited es flachs Gländ am Bäärg obe.[1] Mä heig därä Alp oi «Älggibode» gsäit.

Dr Mittelpunkt vo dr Schwiiz

Mittelpunkt vo dr Schwiiz[ändere | Quälltäxt bearbeite]

S Älggi gilt als Mittelpunkt vo dr Schwiiz. Das schtimmd aber nid ganz. Will dr äigetlichi Mittelpunkt ächli underhalb vom Älggi imänä Gländ wäär, wo numä schwäär zuägänglich isch (Koordinate 660158 / 18364046.8012101944448.2266921944444), hed mä nä vor allem us turistischä Grind um eppä 500 Meter verschobä (Koordinate 660557 / 18333746.7984485833338.2318785277778) und us Schtäi d Umriss vo dr Schwiiz drumumä gmacht.

Weblink[ändere | Quälltäxt bearbeite]

 Commons: Älggi-Alp – Sammlig vo Multimediadateie

Fuessnoote[ändere | Quälltäxt bearbeite]

  1. Angelo Garovi: Flurnamen und ihr Bezug zur Kulturlandschaft. uf kulturlandschaft-ow.ch, Kapitel 4: Alpnamen.

46.7995588.235897Koordinaten: 46° 47′ 58″ N, 8° 14′ 9″ O; CH1903: 660863 / 183464