Regina Marxer
D Regina Marxer (* 10. Oktober 1951 z Grabs, SG) isch e liachtaschtaanischi Graafikeri un bildendi Chinschtleri.
Lääbe[ändere | Quälltäxt bearbeite]
D Regina Marxer isch e Doochter vum Leerer un Museumslaiter Felix Marxer un syre Frau Melitta geb. Kaiser. Si isch mit zwoo Schweschtere z Vaduz ufgwachse. Vu 1963 bis 1966 isch si z Vaduz uf s Realschuel gange. Derno het si vu 1966 bis 1970 Graafikeri bim Louis Jäger z Vaduz gleert. Vu 1974 bis 1978 het si an dr Hochschuel vu dr Chinscht z Berlin studiert. Au bim Clément Moreau, wu in dr Schwyz gläbt het, het si gleert.[1] Syter anne 1979 läbt si as freischaffendi Chinschtleri. Ihri Chunscht umfasst Moolerei, Bildhauerei, Graafik un Inschtallzioon. Si het Ainzel- un Gruppenuusstellige ghaa z Liachtaschtaa, e Eeschtryych un in dr Schwyz. As Grafikeri het si ne baar liachtaschtaanischi Briefmarke gstaltet
Anne 1981 het d Marxer zäme mit ire Mueter Melitta Marxer un dr Psychologi Barbara Rheinberger d «Aktion Dornröschen» grindet, wu si emänd erfolgryych fir s d Yyfierig vum Frauestimmräächt z Liachtaschtaa yygsetzt het.
Zäme mit dr Myriam Bargetze, dr Monika Michels, em Stefan Sprenger un em Martin Walch het si anne 1989 in dr alte Wääberei z Tresa dr Chinschtlerverain «Schichtwechsel» grindet un isch au bis 1997 di eerscht Bresidänti vum Verain gsii. Dr Verain duet di iberregionaal Vernetzig feerdere un Chinschtler*ne us em In- un Uusland Ryym z Verfiegig stelle.
Fir s nei «Schuelhuus Obergufer» z Trisebärg het d Marxer 1995 d Computerinschtallazioun Herr Ehrengast – der Hirsch mit den sprechenden Augen gschaffe, wu Täxt im Walser-Dialäkt schwätzt.[2][3] Si het au d Chunchtwäärch Gras gschaffe, e Metallrinne im Bflaschter uf em Voorblatz vum Liachtaschtaanische Landesarchiv zVaduz.[4]
D Regina Marxer läbt un schafft z Vaduz.
Uuszaichnige Eerige[ändere | Quälltäxt bearbeite]
- 1989 Wäärchjoor vum Kulturbyyroot
- 1991 Josef Gabriel von Rheinberger-Bryys. D Marxer isch di eerscht Frau gsii, wu där Bryys iberchuu het, wu syter 1976 vu dr Gmai Vaduz vergee wird.
- «Gran premio d’Asiago per il migliore francobollo Europa» fir di scheenscht Europamarke fir ihre Briefmarke-Entwuurf «Das Plankner Fülle» in dr Serie «Sagen und Legenden» vu anne 1997.[5]
Publikazioone[ändere | Quälltäxt bearbeite]
- as Autoori
- mit Claudine Kranz, Iren Nigg: Mai. Verlag I. Nigg, Schaan 1987, OCLC 891916260.
- mit Hansjörg Quaderer: Lesen ist mit den Augen sprechen. Edition Eupalinos, Schaan 1995, OCLC 867783133.
- Nichts ist was es scheint. Stroemfeld, Frankfurt am Main/Basel 2008, ISBN 978-3-86600-021-6.
- as Illuschtratoori
- Max Waibel (Hrsg.): Das grosse Buch der Walser Sagen. Huber, Frauenfeld/Stuttgart/Wien 2010, ISBN 978-3-7193-1548-1.
Literatur[ändere | Quälltäxt bearbeite]
- Rita Vogt-Frommelt: Marxer, Regina. In: Historischs Lexikon vom Förschtatum Liachtastaa.
- Berufsverband Bildender Künstler/innen in Liechtenstein (Hrsg.): Almanach 2008. 2008, S. 233–240.
Weblink[ändere | Quälltäxt bearbeite]
Commons: Stamps by Regina Marxer – Sammlig vo Multimediadateie- Marxer, Regina. In: Sikart (Lexikon un Datebank zue dr Chunscht in dr Schwyz un im Firschtetum Liechtestei).
- d Regina Marxer uf dr Websyte DKL Stiftung Dokumentation Kunst in Liechtenstein
Fueßnote[ändere | Quälltäxt bearbeite]
- ↑ Thomas Ernst Wanger: Vom Frauenstudium zum Frauenwahlrecht in der Schweiz und in Liechtenstein. In: Internationaler Verein für Geschichte des Bodensees und seiner Umgebung (Hrsg.): Schriften des Vereins für Geschichte des Bodensees und seiner Umgebung. Band 122. Jan Thorbecke, Ostfildern 2004, ISBN 3-7995-1710-3, S. 154.
- ↑ Regina Marxer: Lesen ist mit den Augen sprechen. Hrsg.: Edition Eupalinos. 1995 (Online [PDF]).
- ↑ Schulhaus feiert 20-Jahre-Jubiläum. In: Liechtensteiner Vaterland. 16. Mai 2015, abgruefen am 10. Juli 2019.
- ↑ Archivstandort. Stiftung Dokumentation Kunst in Liechtenstein, 27. Juni 2019, abgruefen am 19. Juli 2019 (mit Abbildung des Kunstwerks vor dem Landesarchiv).
- ↑ Auszeichnungen. In: Philatelie Liechtenstein. Abgruefen am 20. Juli 2019 (mit Abbildung der Marke).