Melitta Marxer
D Melitta Marxer (* 8. September 1923 as Melitta Kaiser z Schaawald; † 13. Februar 2015 z Vaduz isch e liachtaschtaanischi Aktivischti un Fraueräächtleri, wu fir s Frauewaalräächt kämpft het. Internazionaal het mer si gchännt dur e Reed anne 1983 vor em Europaroot, wu si um internazionaali Unterstitzig fir d Yyfierig vum Frauewaalräächt z Liachtaschtaa gwoorbe het.
Lääbe un Wiirke
[ändere | Quälltäxt bearbeite]D Melitta Kaiser isch mit vier Gschwischter z Schaawald ufgwachse. No dr Sekundarschuel het d Kaiser in ere Keramikfabrik gschafft. Mit 25 Joor het si d Fabrik verloo, wel si anne 1949 dr Felix Marxer (1922–1997) ghyroote un mit em e Familie grindet het.[1] Si het drei Deechtere uf d Wält broocht, aini dervu isch d Chinschtleri Regina Marxer.
Derwylscht iri drei Deechtere ufgwachse sin, isch er di räächtli Uuglyychi zwische Fraue un Manne un ass nume Manne go weele derfe z Sinn chuu. D Marxer het iri Deechtere in däre ire Wunsch noch ere heechere Bildig unterstitzt un het bim Kampf mitgmacht, ass au Maidli uf heecheri Schuele un Gimnaasie hän derfe goo, was eerscht in dr 1960er-Joor gschafft wooren isch. Syter 1968 sin Liachtaschtaaner Maidli an Gimnaasie zuegloo.[2]
D Marxer un anderi Feminischtine hän si derno em 1968 abghaltene Referändum zum Frauewaalräächt zuegcheert, wu voreerscht gschyteret isch. D Fraue hän s Komitee fir s Frauestimmräächt grindet, go uf e Zuestimmig zum Waalräächt zueschaffe. In dr Joor 1971 un 1973 sin nomol zwoo Volksabstimmige am Mee gschyteret, wu s Frauewaalräächt blockiert het. Wel si kai Fuurtschritt gsääne hän, hän d Marxer un anderi Feminischtine 1981 d Aktion Dornröschen grindet, e Aaspiilig uf s dytsch Määrli Dornröschen un d lang Waartezyt, voreb dr Brinz d Brinzässi mit eme Schmutz gweckt het. Dodruf hän si nit welle waarte.[3] D Frauen hän derzue bim Verfassigsgriicht gchlagt, wel si ihri Räächt yygschränkt gsääne hän. Anne 1982 isch d Chlaag abgwiise woore. Wel d Regierig si gwaigeret het, s Frauewaalräächt yyzfiere, hän d Marxer un 11 anderi Dornreesliakivischtine zue andere Maßname griffe.[4] Si sin dur Europa graist un hän iber iri yygschränkte Räächt gschwätzt. Anne 1983 hän si ire Aaliige vor em Europaroot z Stroßburi effetli gmacht. Die Akzioon isch z Liachtaschtaa arg kritisiert woore, wel si s Land in s internazionaal Rampeliecht gruckt het, isch aber wiirksaam gsii. Am 2. Juli 1984 hän di männlige Weeler z Liachtaschtaa dr Fraue s voll Waalräächt zuebilligt.[5][6][2]
D Marxer isch am 13. Februar 2015 z Vaduz gstoorbe.[7]
Rezepzioon
[ändere | Quälltäxt bearbeite]Anne 2002 isch dr Schwyzer Dokumentarfilm Die andere Hälfte etnstande, wu d Gschiicht vu dr Melitta Marxer un irem Kampf fir Fraueräächt z Liachtaschtaa verlzellt het.[8]
Zitat
[ändere | Quälltäxt bearbeite]- „Unsere Familie bestand aus vier Frauen und einem Mann. Wann immer ein Wahl stattfand, war es nur mein Mann, der wählen gehen durfte – und wir Frauen mussten zuhause bleiben.“[5]
- „Was sollten wir tun? Einfach still sitzen in der Hoffnung, dass unsere politischen Rechte anerkannt werden? Wenn wir das nur getan hätten, hätten wir heute kein Stimmrecht.“[5]
Fueßnote
[ändere | Quälltäxt bearbeite]- ↑ Alois Ospelt: Biografie Felix Marxer. Hrsg.: Historischer Verein für das Fürstentum Liechtenstein, Jahrbuch. Band 100, 2001 (eliechtensteinensia.li [abgerufen am 19. Januar 2019]).
- ↑ 2,0 2,1 Wilfried Marxer: 20 Jahre Frauenstimmrecht – Eine kritische Bilanz. Hrsg.: Liechtenstein-Institut Forschung und Lehre. Band 19/2004, ISBN 3-9522833-7-1.
- ↑ 28. Februar 2006 - Vor 35 Jahren: Liechtensteiner stimmen gegen Frauenwahlrecht. 27. Februar 2006, abgruefen am 23. Januar 2019.
- ↑ Die andere Haelfte. Abgruefen am 19. Januar 2019.
- ↑ 5,0 5,1 5,2 Nicky Gardner & Susanne Kries: A Liechtenstein moment. hidden europe, 22. Juni 2009, abgruefen am 19. Januar 2019 (änglisch).
- ↑ "Around the World; Liechtenstein Women Win Right to Vote". New York, New York: The New York Times. (Memento vom 18. Novämber 2018 im Internet Archive)
- ↑ V Marxer Melitta-Kaiser | sterbebilder.li. Archiviert vom Original am 25. Januar 2019; abgruefen am 19. Januar 2019 (de-DE).
- ↑ Die andere Haelfte. Abgruefen am 19. Januar 2019.
|
Dä Artikel basiert uff ere fräie Übersetzig vu dere Version vum Artikel „Melitta_Marxer“ vu de dütsche Wikipedia. E Liste vu de Autore un Versione isch do z finde. |