Plessur-Alpe
| Plessur-Alpe | |
|---|---|
 | |
 | |
| Höchst Gipfel | Aroser Rothorn (2'980 m ü. M.) |
| Lage | Graubünde/Schwyz |
| Iideilig noch | AVE: 63 SOIUSA: 15.VII |
| Koordinate | 767454 / 178872 |
D Plessur-Alpe (mänkmol au Plessurgebirg oder churz Plessur gnännt) sin e Gebirgsgruppe im Schwyzer Kanton Graubünde. Hegschte Gipfel isch s Aroser Rothorn (2'980 m ü. M.).
e Gruppe wird dur dr Fluss Plessur in zwee Dail drännt. Zmitts im Gebirg lyt dr Kurort Arosa mit em Welschtobel un dr Dalschafte Schanfigg, Urdetal, Fondei un Sapün, ussen ume lige Ferienort wie Chloschter, Tafaas oder Lenzerheid.
D Plessur chunnt us dr Plessur-Alpe, windet si derno dur s Schanfigg windet un mindet bi Khuur in Rhy.
Lag
[ändere | Quälltäxt bearbeite]D Plessur-Alpe zellt mer zue dr weschtlige Oschtalpe, si gränze diräkt an d Weschtalpe. No dr AVE wird d Gruppe wie eso abgränzt:[1]
- im Nordweschte vum Rhy. Där bildet d Gränze vu dr AVE-Yydailig vu dr Oschtalpe. Am Stade vis-à-vis stoht dr Calandastock vu dr Glarner Alpe
- zum Rätikon im Nordoschte bildet s Prättigau (Landquart) d Gränze
- vum Chloschter bis uf Tafaas gränzt e chlai Stuck an d Silvretta
- im Sidoschte isch d Gruppe vu dr Albula-Alpe dur dr Lauf vu dr Landwasser un d Albula bis Tüüfakhaschta dränntt
- im Sidweschten vu dr Oberhalbsteiner Alpe dur Albula un Hinterrhy
Dr Name goht zrug uf dr Schwyzer Geolog Bernhard Studer, wu si as „fast voralpine Abteilung“ innerhalb vu dr Rhätische Alpe bschribe het.[2]
Gliiderig un wichtigi Gipfel
[ändere | Quälltäxt bearbeite]D Plessur-Alpe umfassen verschiedeni Chette:
- d Parpaner-Rothorn/Lenzer Horn-Chette: Do het s di hegschte Bärg vu dr Gruppe, näb em Arosa Rothorn no s Erzhorn (2'924 m), s Lenzer Horn un s Parpaner Rothorn. Uf s Letschter fahrt wie au uf s Hörnli, d Wiissflue un s Wiisshorn e Gondelbahn.
- d Stätzerhorn-Chette mit em Stätzerhorn (2'574 m)
- d Hochwangchette mit em Hochwang 2'534 m
- d Wiissfluegruppe mit dr Wiissflue (2'844 m)
- d Wiisshornchette mit em Wiisshorn (2'653 m)
- di langzoge Strelachette mit em Guggernellgrat (2'810 m). Wäge ire graue Farb wird di nordweschtli Zylede vu däre Bärgchette, wu us imposante Schuttchaigel ufböue isch, zäme mit dr Linie Schafrügg-Erzhorn au Aroser Dolomite gnännt.
Bilder
[ändere | Quälltäxt bearbeite]-
Uussicht vum Aroser Rothorn no Nordoschte (Arosa) -
s Aroser Rothorn, hegschte Bärg vu dr Plessur-Alpe -
s Welschtobel, Richtig Fondei un Sapün -
Blick zu Parpaner Wiisshorn un Tschirpe -
s Parpaner Schwarzhorn -
Blick vu dr Hörnlihitte zum Urdefürggli -
d Maiefelder Furgga -
uf em Sandhubel, Blick zum Altein Tüüfebärg
Literatur
[ändere | Quälltäxt bearbeite]- Manfred Hunziker: Ringelspitz/Arosa/Rätikon, Alpine Touren/Bündner Alpen, Verlag des SAC 2010, ISBN 978-3-85902-313-0, S. 264 ff.
- Henry Hoek un F. Siegried: Das zentrale Plessurgebirge. In: Jahrbuch des Schweizer Alpenclub. Jg. 38, 1902–03, Seite 127–151
Weblink
[ändere | Quälltäxt bearbeite]
Commons: Plessur-Alpe – Sammlig vo MultimediadateieFueßnote
[ändere | Quälltäxt bearbeite]- ↑ Alpenvereinseinteilung der Ostalpen
- ↑ Plessuralpen. In: Meyers Konversations-Lexikon. 4. Uflag. Bd. 13, Bibliographisches Institut, Leipzig 1885–1892, S. 132.
|
Dä Artikel basiert uff ere fräie Übersetzig vu dere Version vum Artikel „Plessur-Alpen“ vu de dütsche Wikipedia. E Liste vu de Autore un Versione isch do z finde. |