Paris Gare de l’Est

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Gare de l’Est
Gare de l'Est Paris 2007p1.jpg
Haupthallè vom Pariser Oschtbaanhof
Daate
Bedriibsart Kopfbahnhof
Perron 29
Passaschier im Daag ca. 93.000[1]
Eröffnig 5. Juli 1849
Architektonischi Date
Archidekt François-Alexandre Duquesney
Laag
Stadt Paris
Département Paris
Region Île-de-France
Staat Frankreich
Koordinate

48° 52′ 37″ N, 2° 21′ 33″ O48.8769444444442.3591666666667Koordinaten: 48° 52′ 37″ N, 2° 21′ 33″ O
Iisebahnstreckene
Lischte vo de Bahnhööf z Frankriich

i7i12i13i15i16i16i18

Gare de l’Est (dytsch Oschtbaanhof) isch ein vo dè sechs großè Kopfbaanhööf vu Paris. Er lyt im 10. Arrondissement, nit wit vom Gare du Nord (als. Nordbaanhof) èwäg (öppè 1 km vo Ygang zu Ygang). Mit 34 Mio. Bassagyr bro Johr (93.000 pro Daag) isch er dè füüftgröschte Pariser Baanhof.

Gschichtè[ändere | Quälltäxt bearbeite]

Gibelfigur uff èm Gare de l’Est

Gare de l’Est isch 1849 durch d Compagnie du chemin de fer de Paris à Strasbourg unter m Nammè Embarcardère de Strasbourg (ei vo dè no jungè Ysèbaan uss dè Seefaart vodlèèntè Begriff, dè eigèntlich Yschiffig, Bootsaalegeschtell bedütet, ergo sinngmäß Abfaartschtell gu Strõßburg) eröffnet worrè. Nõch dè èrschtè uss èrè Reiè vo Vogrößerungè, wo durch d Eröffnig von èrè neuè Linniè nõch Müllhuusè im Obberelsass durch diè in Compagnie de l’Est umbenamsti Berybergsellschaft notwèndig worrè isch, hèt er 1854 sin htigè Nammè chriègt.

I dè Johr 1885, 1900, 1931 un zletscht im Zitraum 2005 bis 2007 hèt dè Gare de l’Est bedütendi Umbauarbètè voläbt. Dè jüngscht Umbau isch nötig gsi, um nõch dè Inbedrybnaam vom TGV Est barat z si für diè nòmoll gschtigènè Aaforderigè. Dõdeby hèt mò mee Blatz gschaffè für d Diènschträum un diè Diènschtleischtungsschtellè. z. B. d Gepäckuffbewaarig, wo sit 2007 s Gepäck am Ygang durchlüchtet wörd un s Münzschlièßfächer mit Münzwechsler git.

Am 4. Oktobèr 1883 isch dè Gare de l’Est Schaublatz vo dè Abfaart vom èrschtè Oriènt-Exprèss mit èm Zyl Konschtantinopel gsi.

Im Èrschtè Wältchrièg hèn sich vill Soldatè am Oschtbaanhof yfindè, um iri Reis a d Front aazdrèttè. Dõdraa erinnerèt sit 1926 s vom amrikanischè Mòler Albert Herter gschaffene Monumentalgmäälde Le Départ des poilus, août 1914 (als. D Abfaart vo dè Frontsoldatè, Auguscht 1914; frz. poilus isch dè Spitznammè für diè französischè Frontsoldatè im Èrschtè Wältchrièg gsi) i dè Abfaartshallè un sit 1929 dè Nammè vo dè i dè Nöchi ligendè Avenue de Verdun sowiè dè Nammè vo dè Metroschtation Gare de l’Est – Verdun.

Vokeer[ändere | Quälltäxt bearbeite]

TGV un ICE im Pariser Oschtbaanhof
TGV POS im Gare de l’Est
Gleisfäld, 1994

Gare de l’Est wörd sowoll vo internationalè wiè au nationalè Fèrnvokeerszüüg bediènt. Im witerè wörd dè Baanhof vo Nahvokeehrszüüg aagfaarè. Innerhalb vom Baanhof lyt au dè Zuègang zu dè glychnammigè Metro-Station Gare de l’Est. .

Internationali Fèrnvokeer[ändere | Quälltäxt bearbeite]

Im Hochgschwindigkeitsvokeer mit èm TGV un èm ICE wörred Zyl z Letzèbursch un Dütschland aagfaarè. Selli Züüg befaared diè im Juni 2007 in Betrièb gnõèni Schnellfaarschtreggi LGV Est européenne. Zylbaanhööf z Dütschland sin Karlsruè, Stuègètt, Ulm, Augschburg un Münchè sowiè Saarbrüggè, Kaiserslutèrè, Monnèm un Frankfort. Voantwortlich für diè Vobindigè nõch Dütschland isch Alleo, è Gmeinschaftsunternämmè vo dè französischè SNCF un dè Dütschè Baan.

Gare de l’Est isch Èndpungt vom Nachtzùg Paris – Moskau, wo vo dè russischè Staatsbaan RŽD betribbè wörd.

È baar Mòl im Johr haaltet am Baanhof Luxuszüüg vom Venise-Simplon-Orient-Express.

Nationalè Fèrnvokeer[ändere | Quälltäxt bearbeite]

S wörred mit èm TGV mengi Zyl i dè öschtlichè Regionè vo Frankrych a Paris aabundè (Champagne-Ardenne, Lothringè un s Elsass). Zu dè wichtigschtè ghörèd d Baanhööf Strõßburg, Metz, Nancy un Reims.

Züüg vo dè Gattig Intercités vokeered unter andrem gu Dijon un Belfort im Südelsass.

Nõvokeer[ändere | Quälltäxt bearbeite]

Dè Baanhof isch dè weschtliche Èndpungt vom Regionalzugnetz TER Champagne-Ardenne.

U-Baan[ändere | Quälltäxt bearbeite]

Am Baanhof Gare de l’Est vo dè Métro haalted d Linniè 4, 5 un 7, welli vo dè RATP betribbè wörred. Mit dè M4 wörred drei Pariser Hauptbaanhööf, dè Nordbaanhof, dè Oschtbaanhof un dè Weschtbaanhof dirèkt mitnand vobundè.

Ehemòligi Vobindigè[ändere | Quälltäxt bearbeite]

Vo 2007 bis 2011 hèn d Züüg i d Schwiz vom Gare de l’Est uus vokeert. Mit dè Inbedrybnaam vo Schnellfaarschtreggi LGV Rhin-Rhône im Dezembèr 2011 hèn selli Züüg iren Laufwäg gänderèt un vokeered sitdèmm ab èm Gare de Lyon, èm Pariser Süd(oscht)baanhof. Bis zu dè Inbedrybnaam vo dè ostfrannzösischè Schnèllfaarschtreggi LGV Oscht gu Strõßburg im Johr 2007 sin d Züüg vu Bàsel mit ènèm TER-Zùg übber diè barallel volaufendi aalti Schnèllzùgschtreggi vo Bàsel übber Müllhuusè im Elsass, Besançon un Troyes gfüürt worrè. Zwǜschè 2007 un 2011 hèt mò d TGV-Vobindigè uff Sitè vo dè SNCF bi witèm bevorzugt, well d Schnellfaarschtreggi Rhy-Rhoonè no nit vofüègbar gsi isch, isch deshalb für d Relation Bàsel-Paris dè Umwäg übber Strǒßburg un dè beschtehendè LGV Oscht gwäält worrè. Dè TGV isch uff sellèrè Streggi abber nu bis Müllhuusè gfaarè, dè Rescht isch mit èm TER-Zùg Müllhuusè-Bàsel abdeggt worrè. Z Paris in Empfang wörred d TGV vom Nordelsass im Pariser Oschtbaanhof.

Diè Èndi 2014 ygschtelltè Nachtzüüg gu Bèrlin un Münchè sin als CNL z Paris ebbèfalls vom Gare de l’Est abgfèrtiget worrè. Dè CNL nõch Münchè übber Stuègett un Ulm sin übber diè lothringischi Baanschtreggi übber Metz un Saarbrüggè nõch Monnèm gu Münchè gfüürt worrè.

Panorama Gare de l’Est

Grùscht[ändere | Quälltäxt bearbeite]

Im Raamè von èrè Diskussion zum Thema Stuègètt 21 z Fryburg hèt dè EU-Energykommissar un ehemòlige Minischterbräsidènt vo Baddè-Württèbärg, dè Günther Oettinger, d Uusgschtaltung vom Gare de l’Est als Kopfbaanhof demit begründet, dass es weschtlich vo Paris keini Menschè mee gää würd, „sondern nu Küè un Atlantik“. S Thema von èrè Umgschtaltig zum Durchgangsbaanhof hèt sich dõdemit z Paris gar nit gschtellt.[2]

Reisende, wo vom Oscht- zum Nordbaanhof odder umgekeert müèn, chönned sich s Metro-Billet schparè, un eifach d Stègè am Weschtrand vo dè Baanhofshallè uègõ un nõch èm Bischtro strèng links haaltè, Zituffwand öppè 12 min., defür knapp 2 Euro pro Person (Stand: Auguscht 2014) billiger.

Bim Schlièßfach git s, wiè obbè schu erwäänt, èn Münzwechsler, dè au Euro-Schy wechslè duèt. Suscht isch es bi dè Läddè un Kiosk im Gare de l'Est ooni Konsumationszwang braktisch uumöglich, Geld z wechslè, fascht läbbensgfäärlich isch selli Aktion uff èm Poschtamt am Oschtrand vo dè Ygangshallè (Stand: Novembèr 2008).

Weblinggs[ändere | Quälltäxt bearbeite]

 Commons: Paris Gare de l’Est – Sammlig vo Multimediadateie

Einzelnõchwys[ändere | Quälltäxt bearbeite]

  1. stif.info Archivlink (Memento vom 2. Septämber 2009 im Internet Archive) (PDF-Datei; 669 kB)
  2. S21-Diskussion: Oettinger-Spruch sorgt für Aufregung i dè Baddischè Ziting, abgruèfè am 4. Septembèr 2014


Information icon.svg Dä Artikel basiert uff ere fräie Übersetzig vu dere Version vum Artikel „Paris_Gare_de_l'Est“ vu de dütsche Wikipedia.

E Liste vu de Autore un Versione isch do z finde.