Bàhnhoof Reims
| Gare de Reims | |
|---|---|
| |
| s’ Gebäi vum Bàhnhoof, vum Square Colbert har gsah | |
| Daate | |
| Perron | 10 |
| Profil uf SNCF.fr | Code: frrhe |
| Laag | |
| Gmeind | Reims |
| Département | Marne |
| Region | Grand Est |
| Staat | Frankreich |
| Koordinate | 49° 15′ 33″ N, 4° 1′ 27″ O |
| Iisebahnstreckene | |
| |
| Lischte vo de Bahnhööf z Frankriich | |
| Dialäkt: Mìlhüüserdiitsch |
Dr Bàhnhoof Reims (frànzeesch gare de Reims) ìsch dr Hàuiptbàhnhoof vu dr frànzeescha Schtàdt Reims ìn dr Champagne.
wu-n-’r lììgt
[ändere | Quälltäxt bearbeite]Dr Knootabàhnhoof Reims lììgt àm Kilomeeterpunkt 54,8143 vu dr Bààhnschträcka Soissons–Givet, zwìscha da Bàhnheef vu Muizon un Bazancourt; ’s ìsch àui àm Kilomeeterpunkt 171,8583 vu dr Bààhnschträcka Épernay–Reims, grààd noh-n-em Bàhnhoof Franchet-d’Esperey, un àui àm Kilomeeterpunkt 226,2703 vu dr Bààhnschträcka Châlons-en-Champagne–Reims, grààd noh-n-em ehamooliga Bàhnhoof vu Sillery. Ar lììgt àui àm Ààfàng vu dr Bààhnschträcka Reims–Laon, grààd vor’m Bàhnhoof Courcy-Brimont. Dr Bàhnhoof lììgt uff 84 Meeter ìwwer’m Meer.
Dr Bàhnhoof lììgt àn dr wäschtliga Granz vum Reimser Schtàdtzäntrum. Maa kààt àlso dur dr Bàhnhoof làuifa, fìr schnaller ìn dr Viartel Clairmarais geeh. Grààd vor’m Hàuiptiigàng vum Gebäi ìsch dr Square Colbert mìt dr groossa Schtàtüüta vum Jean-Baptiste Colbert,[1] wo ìn dr Mìtta vu da Promenades schteeht. Dur dr Square Colbert kààt maa ìn a pààr Mìnüüta d’ Place Drouet-d’Erlon làuifa. Àn dr Nordoschtsitta vum Bàhnhoof ìsch d’ Brucka vu dr Avenue de Laon, wo bis ìn dr Viartel La Neuvillette fiahrt. Grààd hìnter’m Bàhnhoof, ìm Viartel Clairmarais, sìnn s’ Musée de la Reddition un s’ Gümnààsium Franklin-Roosevelt z’ fìnda.
Gschìchta
[ändere | Quälltäxt bearbeite]Dr Bààhnschtaig ìsch ànna 1848 ìn Betriib gnumma worra. S’ Bàhnhoofgebäi ìsch ànna 1858 wia-n-a Pàlàscht ìm Schiil vu dr Näiklàssik ärrìchta worra un ìsch ìm Äärschta Waltkriag schwaar b’schaadigt worra. D’ Pàssàgiarhàlla üss’m Joohr 1931 gheert zem frànzeescha „Arbgüat vum 20. Joohrhundert“.[2]
Àm Ààfàng hann d’ Zììg bis uff Épernay, Rethel un Soissons gfààhra. Dr Reimser Bàhnhoof wìrd vu dr SNCF b’wìrtschàfta; hìtt kumma doo Hoochgschwendikaitszììg (TGV) un àui regionààla Zììg (TER Grand Est). Zitter 2007 wìrd sa vu dr LGV Est européenne bediant; vu doo känna m’r àlso ìn 45 Mìnüüta bis ìn d’ Pàriiser Oschtbàhnhoof fààhra.
Àm 4. Dezamber 2024 ìsch dr näija frànzeescha Hoochg’schwìndikaitszuug „TGV M“ a pààr Schtunda làng àm Bàhnhoof z’ sah gsìì.[3]
Lìteràtüür
[ändere | Quälltäxt bearbeite]- Michel Thibault: Reims, 150 ans de chemin de fer. Alan Sutton, Reims 2004, ISBN 2-84910-011-0 (französisch, 160 S., Iigschränkti Vorschau uf books.google.de).
- Hervé Chatriot: Reims la Magnifique. Le Pythagore Éditions, 2023, ISBN 978-2-37231-155-7 (französisch, 240 S.).
- Alice Renard: Pourquoi la gare de Reims fut construite comme un palais. In: L’Union. 27. Februar 2022 (französisch, lunion.fr [abgerufen am 29. Januar 2024]).
Weblìnks
[ändere | Quälltäxt bearbeite]
Commons: Bàhnhoof Reims – Sammlig vo Multimediadateie- Bahnhof Reims. In: Structurae.
- dr Bàhnhoof Reims uff dr Websitta Gares & Connexions vu dr SNCF (frànzeesch)
- dr Bàhnhoof Reims uff dr Websitta vum SNCF/TER Grand Est (frànzeesch)
Ainzelnoohwiisa
[ändere | Quälltäxt bearbeite]- ↑ Yann Le Blévec: La statue de Colbert a retrouvé sa superbe en face de la gare de Reims. In: L’Union. 13. April 2019, abgruefen am 29. Januar 2024 (französisch).
- ↑ Hall de la gare SNCF ìn dr Base Mérimée vum frànzeescha Kültüürminìschterium (frànzeesch)
- ↑ Julien Debant: Le TGV du futur en gare de Reims. In: L’hebdo du vendredi (édition Reims). Nr. 826, 6. Dezember 2024, S. 2 (französisch, archive.org [abgerufen am 6. Dezember 2024]).