Aschdrf

Us der alemannische Wikipedia, der freie Dialäkt-Enzyklopedy
(Witergleitet vun Olsberg BL)
Zur Navigation springen Zur Suche springen
Arisdorf
Wappe vo Arisdorf
Basisdate
Staat: Schwiiz
Kanton: Basel-Landschaft (BL)
Bezirk: Liestalw
BFS-Nr.: 2821i1f3f4
Poschtleitzahl: 4422
Koordinate: 624605 / 26252447.5137.76525345Koordinaten: 47° 30′ 47″ N, 7° 45′ 55″ O; CH1903: 624605 / 262524
Höchi: 345 m ü. M.
Flächi: 9.99 km²
Iiwohner: 1659 (31. Dezämber 2015)[1]
Website: www.arisdorf.ch
Ortspanorama

Ortspanorama

Charte
DütschlandKanton AargauKanton Basel-StadtKanton SolothurnKanton SolothurnBezirk ArliseBezirk LaufeBezirk SissachBezirk WaldeburgArisdorfAugstBuebedorfFrenkedorfFüllinsdorfGiebenachHersbergLauseLieschtelLupsigePrateleRamlinsburgSeltisbergZiefeCharte vo Arisdorf
Iber des Bild
w
Dialäkt: Baseldytsch

Aschdrf (usgsproche [ɑˑʃdə̆f]), also miteme kuum heerbare "r", hochdütsch Arisdorf) isch e politischi Gmeind im Bezirk Lieschtel vom Kanton Basel-Landschaft in dr Schwiiz.

Laag[ändere | Quälltäxt bearbeite]

Bligg vom Lieschtler Schleifebärg uff dr ober Teil vo Aschdrf und Olschbrg

Aschdrf ligt uff 345 m. ü. M. in dr Nechi vor Autobahnusfaart Aschdrf vor Autibahn A2 (Basel-Chiasso). Zur Gmeind gheert au dr Wyyler Olschbrg, wo durch dr Violebach vor Gmeind Olschbrg im Kanton Aargau trennt wird. Aschdrf isch mit dr Poschtautilinie 83 vor Kantonshauptstadt Lieschtel und vo Augscht/Brattele erschlosse. Sini Nochbergemeinde sind Giibenech, Füllschdrf, Lieschtel, Herschbrg und vom Aargau Magde und Olschbrg.

Wappe[ändere | Quälltäxt bearbeite]

S Aschdrfer Wappe zeigt e schwarze Bär, wo uff emene rote Dreibärg stoot. Dr Hintergrund isch goldig. S Wappe entspricht em Siigel vom letschte adlige Dorfbsitzer, em Herr vom Bärefels.

Gschicht[ändere | Quälltäxt bearbeite]

1154 isch Aschdrf erschtmols als Dorf vom Arnold (Arnolsdorf) erwähnt. 1300 isch s Dorf vo de Froburger a d Herre vo Thierstai ibergange. 1446 hän denne de Herre vom Bärefels s ganze Dorf uffkauft und 1532 an d Stadt Basel verkauft. 1798 isch Aschdrf Usgangspunkt vo dr Basler Revolution gsi, wo de Landschäftler Untertane d Glichberächtigung mit dr Stadt Basel brocht hett (nid z'verwäggsle mit dr Kantonstrennig 1832).

S Dorf Olsbärg isch 1461 deilt worde, wo dr Dorfdeil uf dr lingge Site vom Violebach zu Basel cho isch. Sit 1882 isch Olsbärg e Deil vo dr Gmeind Aschdrf.

Wirtschaft[ändere | Quälltäxt bearbeite]

Aschdrf isch e typischs Buuredorf mit vilne Chriesi- und Epfelböim.

Sehenswürdigkeite[ändere | Quälltäxt bearbeite]

  • Die spotgotischi Chile vo 1595 mit em erschte harmonische Gloggeglüüt (dreistimmig) vom Baselbiet (vo 1849)
  • Alti Miihli
  • Alts Pfarrhuus mit de 1798 in die südlig Laubestitzi ygritzte Symbol vor franzeesischi Revolution.

Perseenligkeite[ändere | Quälltäxt bearbeite]

Literatur[ändere | Quälltäxt bearbeite]

  • Hans-Rudolf Heyer: Die Kunstdenkmäler des Kantons Basel-Landschaft, Band II: Der Bezirk Liestal. Hrsg. von der Gesellschaft für Schweizerische Kunstgeschichte GSK. Bern 1974 (Kunstdenkmäler der Schweiz Band 62). ISBN 3-7643-0727-7. S. 5–24.

Weblink[ändere | Quälltäxt bearbeite]

 Commons: Aschdrf – Sammlig vo Multimediadateie

Fuessnoote[ändere | Quälltäxt bearbeite]

  1. Statistik Schweiz – STAT-TAB: Ständige und Nichtständige Wohnbevölkerung nach Region, Geschlecht, Nationalität und Alter (Ständige Wohnbevölkerung)


Information icon.svg Dä Artikel basiert uff ere fräie Übersetzig vum Artikel „Arisdorf“ vu de dütsche Wikipedia.

E Liste vu de Autore un Versione isch do z finde.