Oberämpfälde

Us der alemannische Wikipedia, der freie Dialäkt-Enzyklopedy
Oberämpfälde
Wappe vo Oberämpfälde
Wappe vo Oberämpfälde
Basisdate
Staat: Schwiiz
Kanton: Aargau (AG)
Bezirk: Aarauw
BFS-Nr.: 4010i1f3f4
Poschtleitzahl: 5036
UN/LOCODE: CH OFE
Koordinate: 645933 / 245151Koordinate: 47° 21′ 20″ N, 8° 2′ 48″ O; CH1903: 645933 / 245151
Höchi: 414 m ü. M.
Flächi: 7.16 km²
Iiwohner: 8663 (31. Dezämber 2021)[1]
Website: www.oberentfelden.ch
Oberämpfälde
Oberämpfälde

Oberämpfälde

Charte
Charte vo OberämpfäldeHallwilerseeKanton Basel-LandschaftKanton SoledurnBezirk BrämgarteBezirk BruggBezirk KulmBezirk LaufeburgBezirk LänzburgBezirk RhiifäldeBezirk ZofigeAarauBibersteiBuchs AGDensbüreErlisbachGräncheHirschthal AGChüttigeMuheOberempfäldeSuhr AGUnderempfälde
Charte vo Oberämpfälde
w

Oberämpfälde , offiziell Oberentfelden, isch e Gmeind im Bezirk Aarau im Kanton Aargau.

Geografy[ändere | Quälltäxt bearbeite]

S dorf lyt im undere Suuretaal. Dr Gmeindbann goot kwer über s ganze Taal vom Hügelzug im Oschte bis i d Wälder im Weschte, wo d Gmeind an Kanton Soledurn aachunt.

Zmitzt dur s Dorf louft d Suure und weschtlich dervo dr Üerkebach, wo uf em Bode vo Oberämpfälde no dr Chölikerbach ufnimmt und erscht z Underämpfälde id Suure mündet. vo de Hügel uf beide Syte chöme vil churze Bechli i d Ebeni abe, wo sid der Meliorazioon vo dr Landschaft dur Kanääl zu dr Suure flüsse.

D Bouzoone vo Oberämpfälde sind im 20. Joorhundert starch gwachse. Hüt sind si mid dene vo Underämpfälde zämecho, vo dr Badi im Weschte bis zu dr grosse Ychaufszäntre bi dr Üerkebrugg und i dr Suurematte.

D Nochbergmeinde vo Oberämpfälde sind Underämpfälde, Suur, Gräniche, Muè, Kölike, Grezebach und Schönewerd.

Gschicht[ändere | Quälltäxt bearbeite]

S Dorf isch inere Kwelle us em Joor 965 s erschte Mol gnännt, wo dr Hof «Endiveld» em Chloschter Disentis gschänkt worden isch.

Am 2te Septämber 2020 hat d Gmäindversamlig mit 66,2 % em Fusionsprojekt Zuekumftsruum Aarau zuegstimmt.[2] Dodemit cha mer erwarte, dass Oberämpfälde zäme mit de Stadt Aarau und andere Gmäinde, wo «Ja» gseit hend, e noji grösseri Gmäind bilde tuet.

Name[ändere | Quälltäxt bearbeite]

Dr Name vom Ort, «Endiveld», isch us em Althochdüütsche und bedütet eifach «s Ändi vom Fäld».

Wappe[ändere | Quälltäxt bearbeite]

Wil me früener nümm gwüsst het, wohär dr Name cho isch, und me uf d Verbindig vom Wort mid ere Änte cho isch, het d Gmeind es Wappe mit em Bild vo däm Dier lo zeichne.[3]

Lüüt[ändere | Quälltäxt bearbeite]

Weblink[ändere | Quälltäxt bearbeite]

Fuessnoote[ändere | Quälltäxt bearbeite]

  1. Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021. Bei späteren Gemeindefusionen Einwohnerzahlen aufgrund Stand 2021 zusammengefasst. Abruf am 13. März 2023
  2. https://www.aargauerzeitung.ch/aargau/aarau/oberentfelden-sagt-deutlich-ja-zum-zukunftsraum-aarau-138989468
  3. Joseph Galliker, Marcel Giger: Gemeindewappen des Kantons Aargau. Buchs 2004, Syte 232.