Nordschwobe
Nordschwaben (Rheinfelden) Gmeind Badisch-Rhyfälde
| |
|---|---|
 | |
| Dialekt: | Alemannisch |
| Hauptvariante: | Hochalemannisch |
| Regionalvariante: | Dinkelbergisch |
| Höchi: | 471 m |
| Flechi: | 3,45 km² |
| Iiwohner: | 325 |
| Bevölkerigsdichti: | 94 Iiwohner/km² |
| Iigmeindig: | 1. März 1974 |
| Regierigsbezirk: | Fryburg |
| Landchreis: | Lörrach |
| Poschtleitzahl: | 79618 |
| Vorwahl: | 07622 |
| Nummereschild: | LÖ |
Nordschwobe (IPA: [ˈnɔrdˌʃvo:bə], amtlig Nordschwaben) isch sit em 1. März 1974 e Ortsdeil vo Badisch-Rhyfälde.
Südlig vom Dorf isch s Düfelsloch, e Art Tropfsteihöhli im Baselwald. Mer hät s bisher no nit erforscht.
Geografischi Lag[ändere | Quälltäxt bearbeite]
Nordschwobe ligt im Norde vo de Stadt Rhyfälde uff 471 Meter über em Meer uff em Dinkelberg. Agränze dien im Oste Dossebach und im Norde Wiechs; westlig devo ligt Meisele, durch de Baselwald vo Nordschwobe abtrännt.
Vo de 345 ha Flächi vo Nordschwobe sin etwa 135 ha Wald und 210 Fäld. Vo denne sin 4 ha Naturschutzgebiet und ähnligs.[1]
Gschicht[ändere | Quälltäxt bearbeite]
Ältesti Zügniss vo Besydlig sin bisher numme de Westturm von re Kapelle mit Freske uss em 15. Johrhundert. 1730 isch d Kapelle neu bearbeitet und 1940 no mol restauriert worre.
1974 hän sich d Nordschwobener bezüeglig Ygmeindig zwüsche Badisch-Rhyfälde und Schopfe entscheide mieße. Am 4. Februar 1974 isch es definitiv zu Rhyfälde cho.
In de letschte Johr isch d Infrastruktur (z. B. Restauration vo de Kanalisation, Verchehrswäg, vom Füerwehrgrätehus und vo de Halle) verbessert worre; trotzdem isch Nordschwobe zimli ländlig, under anderem durch d 5 Verein plus di freiwilligi Fürwehr im Dorf.[1]
Verchehr[ändere | Quälltäxt bearbeite]
Durch Nordschwobe verlauft d K6336, wo s in Richtig Norde mit Wiechs und in Richtig Süde mit Meisele und Charsau verbindet. Im Dorf git s zwei Bushaltstelle mit Verbindige uff Rhyfälde und Schopfe.
Externi Site[ändere | Quälltäxt bearbeite]
Quelle[ändere | Quälltäxt bearbeite]
- ↑ 1,0 1,1 www.gutes-vom-dinkelberg.de. Archiviert vom Original am 11. Oktober 2014; abgruefen am 1. Oktober 2008.
