MundArt Erzählkunst + Volxtöne Bad Zurzach

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

MundArt Erzählkunst + Volxtöne Bad Zurzach isch es Kulturprogramm im Aargauer Fläcke Zuurzi.

Es wird träit vom Kulturveräin MundArt Bad Zurzach, wo d Kultur vom müntliche Verzelle tuet pfleege. Dr Veräin het anne 2008 agfange, regelmässig z Zuurzi es internazionals Verzellfestival z organisiere. Ufem Programm het’s Lüüt vo vil verschidene düütsche Mundartregioone gha, vo dr Schwiiz und anderne Gebiet vom alemannische Sproochruum und us Bayern und Öschtrych und au usem Norddütsche so wie öppe dr Peter Glass vo Bremerhaven. Es chunt au vor, ass me Künschtler us andere Sproochgebiet yladt so wie anne 2015 d Jan Blake us Ängland. Drzue sind no es paar anderi Sache abotte woorde. So hets au en Grosse Internazionale Gschichtsemäärt am Festival. Sit anne 2012 macht er nümmen es äinzigs Festival, es git jetz no vil mee Verastaltige. Es goot drby au no ums Verzelle vo Gschichten i dr Mundart, und drzue ane cha men au go «innovatyvi Volchsmusig» lose – d Lüüt vom Veräin säge däm Programm Volxtöne.[1]

Termin sind gsi:

  • 2. MundArt-Festival Bad Zurzach, Mai 2008
  • 3. MundArt-Festival Bad Zurzach, 7.–9. Mai 2010
  • Mund-Art Erzählkunst & Volxtöne, 2012
  • MundArt 2014
  • 5. Internationales Erzählkunstfestival, 9.–11. Septämber 2016
  • Erzählkunst & Volxtöne, Bad Zurzach, 15. November 2019

2008 het bi dr Gäneralversamlig vom Veräin dr Dialäktoloog Hans-Peter Schifferle über d Mundart gredt. Dr Verzeller Jürg Steigmeier vo Zuurzi, wo dr Gründer isch vo MundArt ErzählKunst und em VolxTöne Festival,[2] het 2010 a dr «Stubete» mit es paar Lüüt vom Verzelle gredt, drby sin gsi: d Barbara Berger, d Christine Lauterburg, dr Matthias Lincke, Dide Marfurt und dr Christian Schmid vor em Veräin mit em Jürg Steigmeier gredt. Und au vo däm Mundertfestival anne 2010 het d Musigwälle vom Schwiizer Radio e Sändig vom Christian Schmid broocht. Am 12. Mai 2011 het d Sändig Schnabelweid vo DRS 1 übere Gschichteverzeller Jürg Steigmeier brichtet.[3]

2015 isch es Programm vo jiddische Lieder choo.

Anne 2010 isch bim Mundartfestival au grad d Jooresversamlig vo dr Schwiizer Määrligselschaft gsi. Me het vo Lüüt vo däm Veräin chönne go Määrli lose.[4]

Für syni Aläss isch dr Veräin Mundart Bad Zurzach teils im alte Huus zur Woog a dr Hauptstrooss z Zuurzi und mängmol im Propschteisaal.

Es paar vo de Dialäktkünschtler, wo bim Veräin scho sind go ufträtte:

Weblink[ändere | Quälltäxt bearbeite]

Fuessnoote[ändere | Quälltäxt bearbeite]

  1. Erzählkunst & Volxtöne (Memento vom 12. Novämber 2019 im Internet Archive) uf mundart-badzurzach.ch
  2. d Websyte vom Jürg Steigmeier
  3. Zurzacher Sage vom Jürg Steigmeier, Sändig vo dr Schnabelweid vom 12. Mai 2011.
  4. Chronik der Schweizerischen Märchengesellschaft SMG 1993 – 2013 uf maerchengesellschaft.ch