Maurice Zermatten

Us der alemannische Wikipedia, der freie Dialäkt-Enzyklopedy

De Maurice Zermatten (* 22. Oktober 1910 z Saint-Martin, Wallis; † 11. Februar 2001 z Sitte) isch en Schwiizer Schriftsteller gsi.

Er häd vor alem über s Wallis gschribe. I sine Gschichte isch es um Mänsche gange won im traditionelle Wallis gläbt händ, wo di mäischte Puure gsi sind. Hüfig ischs dänn um Gränzsituatione gange, seigs us moralischer Sicht oder us de Sicht vo der Religion. Sin erste Roman Le coeur inutile isch 1936 usecho; spöter häd er La Colère de Dieu (1940), Christine (1944) und La Porte blanche (1973) gschribe.

Er häd literaturkritischi Wärch über Schwizer Autore gschribe, under anderem über de Charles Ferdinand Ramuz, de Gonzague de Reynold und de Léon Savary. De Zermatten häd au d Chinderbüecher vo de Selina Chönz und em Alois Carigiet uf französisch übersetzt.

Priis[ändere | Quälltäxt bearbeite]

Weblink[ändere | Quälltäxt bearbeite]