Leuthari I.

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

De Leuthari (gr. Λεύθαρις; lat. Leutharius; † 554) isch en alamannische Herzog un de Brüeder vom Butilin gsi.

Uf Bitte vo de Ostgote wo im Chrieg mitem byzantinische Feldherr Narses glege sind, isch anne 553 e alemannisch-fränkisches Heer gege de Wile vom Merowingerkönig Theudebald uf Italie marschiert under de Füerig vo de Brüedere Butilin und Leuthari.

Da Heer, ageblich 75000 Chrieger, isch dur ganz Italie bis a d Meerengi vo Messina zoge und het debi vill Büüti gmacht. S Heer het sich den tailt. De Butilin isch z Süditalie blibe um d Gote witer z understütze. De Leuthari und sini Lüt hend sich degege uf de Haiweg gmacht. Si sind underwegs vomene byzantinische Heer agriffe worde und hend iri Büüti verlore. Im End isch i de Nöchi vom Gardasee e Süüch uusbroche und de Leuthari und sini Mane sind all ade Chranket gstorbe.

Quelle[ändere | Quälltäxt bearbeite]

Literatur[ändere | Quälltäxt bearbeite]

  • Dieter Geuenich: Geschichte der Alemannen. Verlag Kohlhammer, Stuttgart 2004, ISBN 3170182277 / ISBN 3170120956
  • Felix Dahn: Leuthari. In: Allgemeine Deutsche Biographie (ADB). Band 51, Duncker & Humblot, Leipzig 1906, S. 677 f.

Weblink[ändere | Quälltäxt bearbeite]



Information icon.svg Dä Artikel basiert uff ere fräie Übersetzig vum Artikel „Leuthari_I.“ vu de dütsche Wikipedia. E Liste vu de Autore un Versione isch do z finde.