Italienische Sozialrepublik

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Italiänischi Sozialrepublik
Repubblica Sociale Italiana
1943–1945
Chriegsflagge Wappe
[ Chriegsflagge ] [ Wappe ]
Flag of Italy (1861-1946).svg Navigation Flag of Italy (1861-1946).svg
Amtssprach Italiänisch
Hauptstadt de jure Rom
de facto Salò (später Mailand)
Regierigssitz Salò (1943–1944)
Mailand (1944–1945)
Staatsform Republik (Diktatur)
Regierigssystem Faschistisches Einparteiesystem
Staatsoberhaupt und Regierigschef Füehrer und Staatschef Benito Mussolini
Flächi ca. 167.600 km² (1943)
ca. 98.500 km² (Ändi 1944)
Iwohnerzahal ca. 26,6 Mio. (1943)
ca. 17,3 Mio. (Ändi 1944)
Währig de jure Republikanischi Lira
de facto Italiänischi Lira
Gründig 12. Septämber 1943
Existenzziitrum 1943–1945
Nationalhymne Giovinezza
Nationalfiirtag 23. Septämber (Staatsgründig 1943)
Kfz-Kennzeiche I bzw. spöter au RSI
Karte vo de italiänische Sozialrepublik

D Italiänischi Sozialrepublik (au Sozialrepublik Italie, italiänisch: Repubblica Sociale Italiana, kurz RSI), oft au Republik vo Salò (Repubblica di Salò), isch en radikalfaschistische Satellitestaat vo Nazi-Dütschland in Norditalie ksi. Im Gägesatz zu sim Vorgängerstaat hät d Republik kei Kolonie und anderi usseeuropäischi Gebiet ka.

Gschicht[ändere | Quälltäxt bearbeite]

Vorgschicht[ändere | Quälltäxt bearbeite]

Am 25. Juli 1943 hät de faschistischi Großrat de bisherigi Ministerpräsidänt Benito Mussolini s Misstraue usgsproche und ihn demit als ihre Führer (il Duce) praktisch abgsetzt. De Mussolini hät dena de italiänischi König Viktor Emanuel III. ufgsuecht und sin Rücktritt als Premier ikreicht. De Viktor Emanuel III. hät ihn dena verhafte la und wider de Oberbefähl über d Königlich Italiänischi Armee übernoh. De Marschall Pietro Badoglio isch mit de Bildig vonere Militärregierig beuftrait worde. De Badoglio hät dänn alli faschistische Institutione per Dekret verbote. Am 8. Septämber 1943 hät er en Waffestillstand mit de Alliierte gschlosse. Dena isch hän di dütsche Truppe Norditalie bsetzt.

Gründig vo de RSI[ändere | Quälltäxt bearbeite]

Am 12. Septämber 1943 isch de Mussolini vo dütsche Fallschirmjäger befreit worde. Am 23. Septämber 1943 hät er uf Initiative vom Adolf Hitler d italiänischi Sozialrepublik usgrüeft.

Beschribig[ändere | Quälltäxt bearbeite]

Us de alte PNF (Partito Nazionale Fascista) (= Nationali Faschistischi Partei) isch vom Mussolini e neui faschistischi Partei gründet worde - d PFR (Partito Fascista Repubblicano) (= Republikanischi Faschistischi Partei). Die Sozialrepublik isch en Einparteiestaat ksi. S Gebiet vo de Republik hät vor allem de Norde vo Italie umfasst, isch aber wäge em Vorrücke vo de Allierte immer chliner worde. S vorher italiänische Istrie isch de facto zu Nazi-Dütschland cho.

Dewilscht s Königriich Italie vorher wie au Japan en gliichberächtigte Verbündete vo Dütschland ksi isch und en grosse Ifluss ka hät, isch d neui Republik es blosses Marionetteregime vo de Dütsche ksi. De Mussolini und sini Regierig händ fast kei politischi Macht ka und sind lediglich Empfänger vo dütsche Wünsch und Wiisige ksi. D Waffe-SS hät ab 1944 mit de Deportatione vo de italiänische Jude aagfange. Insgesamt sind 9000 Jude ermordet worde.

D RSI isch zwar vo nur wenige Staate aerkännt worde, hät aber de facto Strukture vo em richtige Staat ka. Es hät Briefmarke, Autokännzeiche, e Währig und e eigeni Armee ka. D Verwaltig und Gsetzgäbig isch de Dütsche vorbehalte blibe.

S Ändi vo de RSI[ändere | Quälltäxt bearbeite]

Am 28. April 1945 isch de Mussolini uf sinere Flucht id Schwiiz vo Partisane gfange kno und ermordet worde. Am 2. Mai händ d Dütsche s Gebiet ändgültig ufgä und kapituliert. D RIS isch demit offiziell ufglöst ksi. Churz druf hät s Königriich Italie wieder sis volle Staatsgebiet in Besitz kno.

Lueg au[ändere | Quälltäxt bearbeite]

Literatur[ändere | Quälltäxt bearbeite]

  •  Wolfgang Schumann, Bundesarchiv (Hrsg.): Europa unterm Hakenkreuz. Die Okkupationspolitik des deutschen Faschismus in Jugoslawien, Griechenland, Albanien, Italien und Ungarn (1941–1945). Band 6, Hüthig, Berlin/Heidelberg 1992, ISBN 3-8226-1892-6.

Weblink[ändere | Quälltäxt bearbeite]

 Commons: Italiänischi Sozialrepublik – Album mit Multimediadateie