Partito Nazionale Fascista

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Partito Nazionale Fascista
Nationali Faschistischi Partei
National Fascist Party logo.svg
Flag of the National Fascist Party (PNF).svg
Parteivorsitz Benito Mussolini
Gründig 9. Novämber 1921
Haupt­sitz Palazzo della Farnesina, Rom
Uus­richtig Italiänische Faschismus
Mitglii­derzahl 6 Millione (1939)
Farbe schwarz


De Partito Nazionale Fascista (italiänisch für Nationali Faschistischi Partei, kurz PNF) isch e faschistischi politischi Partei im Königriich Italie ksi, wo vo 1921 bis 1943 existiert hät. Si isch us de Fasci di combattimento hervorgange, wo de Benito Mussolini 1919 gründet hät, und isch vo 1926 bis 1943 d Staatspartei vo Italie ksi.

Gschicht[ändere | Quälltäxt bearbeite]

D faschistischi Bewegig isch vor de Parteigründig vor allem us de paramilitärische Fasci di Combattimento bestande. Dur d Parteigründig am 9. Novämber 1921 in Rom isch d Umwandlig i e umfassendi politischi Vereinigung vollzoge worde. D Hauptufgab vo de PNF isch es zunächst ksi, em italiänische Bürgerdum d Angst vor ere faschistische Eigedynamik z näh und so de Faschismus als attraktivi Möglichkeit für d Bekämpfig vo de sozialistische Gfahr azubüte, wie s damals wahrgno worde isch.

Während em Marsch uf Rom vo de Faschiste, hät de Mussolini d Kombination vo de politische Partei und de militante Massebewegig als effektivs Druckmittel gäge d Demokratie gnuzt um ad Macht z cho und isch am 29. Oktober 1922 Ministerpräsidänt worde.

Nach massive Änderige vom Wahlgsetz dur das sogenannte Acerbo-Gsetz hät d PNF dütlich a Stimme a de umstrittene Wahle vom April 1924 gwunne. Ab 1928 isch d PNF per Gsetz die einzig zueglasseni Partei vo Italie ksi, was sich bis 1943 nöd gänderert hät. D Partei isch nach de Verhaftig vom Mussolini und sinere Absetzig im Grosse Faschistische Rat am 24. Juli 1943, wo vom Dino Grandi igleitet worde isch, ufglöst worde. Am 27 Juli het si d Regierig vom Pietro Badoglio offiziell verbote.

Nach de Befreijig vom Mussolini im Septämber 1943 isch i de Italiänische Sozialrepublik d Partei am 13. Septämber als Republikanischi Faschistischi Partei (Partito Fascista Repubblicano, PFR) inere neue Form gründet worde. Vili Parteimitgliider (wie z.b de Emilio de Bono) händ drufhi de Partei de Rücke kehrt und si verla.

Sekretär vo de Nationale Faschistische Partei[ändere | Quälltäxt bearbeite]

  • Michele Bianchi (Novämber 1921 bis Januar 1923)
  • Triumvirat: Michele Bianchi, Nicola Sansanelli, Giuseppe Bastianini (Januar 1923 bis Oktober 1923)
  • Francesco Giunta (15. Oktober 1923 bis 22. April 1924)
  • Quattuorvirat: Roberto Forges Davanzati, Cesare Rossi, Giovanni Marinelli, Alessandro Melchiorri (23. April 1924 bis 15. Februar 1925)
  • Roberto Farinacci (15. Februar 1925 bis 30. März 1926)
  • Augusto Turati (30. März 1926 bis 7. Oktober 1930)
  • Giovanni Giuriati (Oktober 1930 bis Dezämber 1931)
  • Achille Starace (Dezember 1931 bis 31. Oktober 1939)
  • Ettore Muti (31. Oktober 1939 bis 30. Oktober 1940)
  • Adelchi Serena (30. Oktober 1940 bis 26. Dezember 1941)
  • Aldo Vidussoni (26. Dezember 1941 bis 19. April 1943)
  • Carlo Scorza (19. April 1943 bis 25. Juli 1943)

Literatur[ändere | Quälltäxt bearbeite]

  •  Richard J. B. Bosworth: Mussolini's Italy. Life under the Fascist Dictatorship, 1915–1945. Pengiun Books, New York NY u. a. 2007, ISBN 978-0-14-303856-6.

Weblinks[ändere | Quälltäxt bearbeite]

 Commons: Partito Nazionale Fascista – Album mit Multimediadateie