Hajdú-Bihar

Us der alemannische Wikipedia, der freie Dialäkt-Enzyklopedy
Hajdú-Bihar
Komitatssitz Debrecen
Flächi 6211 km² (4. Platz)
Ywohnerzahl 543'800 Ywohner (2008, 4. Platz)
Bevölkerigsdichti 87 Ywohner pro km²
Dialekt Nordostdialäkt (Eszakkeleti nyelvjárások)
ISO-3166-2-Abchürzig HU-HB

Hajdú-Bihar (IPA: ['hɒjdu:,bihɒr]) isch de Namme vo me ostungarische Komitat. 'S gränzt an Rumänie und usserdem an di ungarische Komitat Szabolcs-Szatmár-Bereg, Borsod-Abaúj-Zemplén, Jász-Nagykun-Szolnok und Békés. De Komitatssitz heißt Debrecen.

Geografy[ändere | Quälltäxt bearbeite]

Geografisch gseh isch s Komitat nit yheitlig, sondern zeigt Yflüss vo de Nochbergebiet. Im Nordoste liige Usläufer vo de Sandhügel vo Nyírség (me Deil vo de Große Ungarische Diefebeni), im Weste isch s Land ehner flach. Sälle isch de größer Deil; de höchst Punkt litt im Norde uff 170,5, de diefst im Süde uff 85 Meter über em Meer. Sällewäg schynt s Land in Richtig Norde z styge.

Über Johrdausende hy isch s Land vo de Flüss und vom Wind gformt worre. Am Afang hät's e Binnesee gha, nochher sin d Karpate durch e Bewegig vo de Kontinäntalplatte drygschobe worre. Durch Flüss vo de Karpate isch de See noch und noch verschwunde. Deno hät de Wind d Bärg züe Sandhügel verformt.

Di beide gröschte Flüss vom Komitat sin d Theiß und de Körös.

Gschicht[ändere | Quälltäxt bearbeite]

Debrecen

Im Johr 1950, noch em Zweite Wältchrieg, isch s Komitat uss de ehemolige Gebiet Hajdú und Bihar gründet worre.

Infrastruktur[ändere | Quälltäxt bearbeite]

D Stroße 4, 33, 35, 42 und 47 fiehre durch s Komitat; mer cha's aber au über d Autobahn M3 erreiche, wo uff Debrecen fiehrt. Insgsamt hän d Stroße z Hajdú-Bihar e Längi vo 1511 Kilometer.

Wirtschaft[ändere | Quälltäxt bearbeite]

'S Komitat hät di gröschti Agrarlandschaft vo ganz Ungarn, sällewäg hät d Landwirtschaft vyl Bedütig. Di drei gröschte Undernehme noch Ynahme sin 2006 Friesland Hungária Kft, National Instruments Europe Kft. und KITE Mezőgazdasági Szólgáltató Zrt gsi (Platz uff de Liste für ganz Ungarn: 40, 43 bzw. 174).

Gröschti Städt[ändere | Quälltäxt bearbeite]

Relativ gseh isch Hajdú-Bihar rächt dünn besydelt: 'S hät 19 Städt und 62 Dörfer. Ywohnermäßig am gröschte sin:

Stadt/Gmeind Ywohner
(1. Januar 2005)
Debrecen 204.297
Hajdúböszörmény 32.208
Hajdúszoboszló 23.568
Hajdúnánás 18.124
Balmazújváros 18.026
Berettyóújfalu 15.854
Püspökladány 15.747
Hajdúhadház 13.069
Hajdúsámson 11.573

Weblink[ändere | Quälltäxt bearbeite]

 Commons: Komitat Hajdú-Bihar – Sammlig vo Multimediadateie



Dä Artikel basiert uff ere fräie Übersetzig vum Artikel „Hajdú-Bihar_County“ vu de änglische Wikipedia. E Liste vu de Autore un Versione isch do z finde.
Dä Artikel basiert uff ere fräie Übersetzig vum Artikel „Hajdú-Bihar_megye“ vu de ungarische Wikipedia. E Liste vu de Autore un Versione isch do z finde.